បរទេស៖ ជំងឺកូវីដ-១៩ បានជះឥទ្ធិពលយ៉ាងអាក្រក់ដល់ស្ទើរគ្រប់វិស័យ និងជីវិតរស់នៅប្រចាំថ្ងៃរបស់មនុស្សទូទាំងសកលលោក ជាពិសេសការធ្វើដំណើរពីកន្លែងមួយទៅកាន់កន្លែងមួយ ឬ ពីប្រទេសមួយទៅប្រទេសមួយតែម្ដង។ ជាការពិតណាស់ ប្រសិនបើអ្នកជាអ្នកចូលចិត្តធ្វើដំណើរកម្សាន្តហោះហើរតាមយន្ដហោះ នោះប្រាកដណាស់អ្នកប្រហែលជានឹករលឹកដល់ទេសភាពនានា រួមមានផ្ទៃពពកដ៏ស្រស់ស្អាត ដែលអាចគយគន់តាមបង្អួចយន្ដហោះជាក់ជាមិនខាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ដើម្បីជាដំណោះស្រាយ ហាងលក់សម្ភារតុបតែងផ្ទះសម្បែងនៅកូរ៉េខាងត្បូងមួយ បានដាក់លក់អំពូលភ្លើង LED ម្យ៉ាងប្រកបដោយគំនិតច្នៃប្រឌិតខ្ពស់ ដែលធ្វើត្រាប់តាមបង្អួចយន្ដហោះ និងទិដ្ឋភាពពីលើ.ពពក ដែលអាចធ្វើឲ្យអ្នកប្រើប្រាស់មានអារម្មណ៍ដូចជាពួកគេកំពុងធ្វើដំណើរនៅលើអាកាសអីចឹងដែរ។
អំពូលភ្លើងវៃឆ្លាតនេះ មានទំហំផ្សេងៗគ្នា ហើយមានមុខងារពីរផងដែរ ពោលគឺវាអាចបង្ហាញទិដ្ឋភាពពេលព្រះអាទិត្យទើបនឹងរះ និង ពេលព្រះអាទិត្យរៀបនឹងលិច ដោយក្នុងនោះរួមមានទាំងស្លាបយន្ដហោះទៀតផង ដើម្បីធ្វើឲ្យវាមានលក្ខណៈកាន់តែដូចពិតៗតែម្ដង។ ដោយឡែក ចំពោះតម្លៃវិញ ចាប់ផ្ដើមពី ៤៨,០០០វ៉ុន ឬប្រមាណ ៤៣ដុល្លារអាមេរិកឡើងទៅ៕
សូមទស្សនារូបភាព និងវីដេអូខាងក្រោម៖