បារាំង៖ លោកគ្រូបង្វឹកសញ្ជាតិព័រទុយកាល់ Andre Villas-Boas បានធ្វើការស្នើសុំទៅថ្នាក់ដឹកនាំរបស់ក្លិប Marseille ក្នុងការលាលែងចេញពីតំណែង ក្រោយដឹងថាក្លិបបានផ្ទេរយកកីឡាករ Olivier Ntcham ដោយគ្មានការព្រមព្រៀងពីលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកគ្រូបាននិយាយដូច្នេះព្រោះមិនពេញចិត្តទាក់ទងនឹងច្បាប់របស់ក្នុងការផ្ទេរកីឡាកររបស់ក្លិប ខណៈដែល Marseille បានទិញយក Ntcham ពីក្លិប Celtic នៅថ្ងៃចុងក្រោយមុនទីផ្សារដោះដូរកីឡាករនារដូវរងាបានបិទទ្វារ ហើយខ្សែការពារម្នាក់នេះនឹងមកលេងខ្ចីជើងនៅ Marseille ចំនួន៦ខែ។
ក្នុងលក្ខខណ្ឌនៃការខ្ចីជើងនេះដែរគឺបានចែងថា Marseille អាចមានសិទ្ធិទិញយក Ntcham ផ្ដាច់ក្នុងតម្លៃ ៤.៥លានផោន(ស្មើនឹងប្រមាណ៦.១លានដុល្លារ) នៅចប់រដូវកាលនេះ ហើយគេអាចនឹងបានចូលបង្ហាញខ្លួនលើកដំបូងក្នុងការប្រកួតក្នុង Ligue 1 ដោយប៉ះនឹងក្លិប Lens នៅថ្ងៃពុធឈានចូលថ្ងៃព្រហស្បតិ៍នេះហើយ។
ប៉ុន្តែយ៉ាងណាមិញការផ្ទេរមករបស់ Ntcham មិនបានឆ្លងកាត់ការយល់ព្រមពីលោកគ្រូបង្វឹក Villas-Boas នោះឡើយ ទើបធ្វើឲ្យលោកគ្រូមានក្ដីមិនពេញចិត្តនិងឈានដល់ការដាក់លិខិតលាលែងពីតំណែងតែម្ដង។
លោកគ្រូបង្វឹកវ័យ៤៣ឆ្នាំរូបនេះបានផ្ដល់បទសម្ភាសន៍ក្នុងសន្និសីទកាសែតតែម្ដងថា៖
ការប្រកាសរបស់លោកគ្រូបង្វឹករូបនេះបានធ្វើឡើងក្រោយអ្នកគាំទ្ររបស់ Marseille បានធ្វើការតវ៉ាដោយបោះផ្សែងពណ៌នៅមុខទីលានហ្វឹកហាត់របស់ក្លិបដោយសារខឹងសម្បារដែលក្លិបចាញ់៣ប្រកួតជាប់ៗគ្នាក្នុងក្របខណ្ឌ Ligue 1។
លោកគ្រូបានបន្តទៀតថាការសម្រេចចិត្តលាលែងពីតំណែងនេះមិនធ្វើឲ្យប៉ះពាល់ដល់ការប្រកួតទល់នឹងក្លិប Lens នោះឡើយហើយលោកគ្រូនឹងបន្តដឹកនាំក្រុមឲ្យអស់ពីសមត្ថភាពរហូតដល់ទទួលបានការអនុញ្ញាតឲ្យចាកចេញពីក្លិបជាផ្លូវការ។
ប្រភព៖ goal