លី អ៊ីវ៉ាធីណា ប្រកាសចាប់ផ្តើមអាជីពសិល្បៈសាជាថ្មី ក្រោយបាត់មុខអស់រយៈពេលជាង ៣ឆ្នាំមកនេះ

ភ្នំពេញ៖ តារាចម្រៀងប្រចាំផលិតកម្មថោន កញ្ញា លី អ៊ីវ៉ាធីណា បានស្ងប់ស្ងាត់ជាមួយនឹងការងារសិល្បៈអស់ជាច្រើនឆ្នាំមកហើយ ក្រោយពេលដែលកញ្ញាមិនសូវជាមានបទចម្រៀងចេញផ្សាយនៅលើទីផ្សារចម្រៀង។

យ៉ាងណាមិញនាថ្ងៃនេះផងដែរ ម្ចាស់បទ “ស្តាយមិនបានថាស្នេហ៍” រូបនេះក៏ស្រាប់តែបានប្រកាសជាសាធារណៈលើគណនីហ្វេសប៊ុកផ្ទាល់ខ្លួនរបស់កញ្ញាដោយចំហថា កញ្ញានឹងវិលត្រឡប់មកជួបអ្នកគាំទ្រសារជាថ្មីម្តងទៀត ក្រោយខកខានចេញបទចម្រៀងក្នុងផលិតកម្មថោន អស់រយៈពេលជាង ៣ឆ្នាំ មកហើយ។

តួយ៉ាងក្រោយពេលត្រឡប់មកវិញកញ្ញា លី អ៊ីវ៉ាធីណា ត្រូវចាប់ផ្តើមការងារថតសម្លេងបទថ្មី និងថត MV ក្នុងថ្ងៃនេះផងដែរជាប្រភេទបទចម្រៀងត្រៀមនឹងអបអរពិធីបុណ្យចូលឆ្នាំប្រពៃណីចិន ក្នុងផលិតកម្មថោន។

គួររំលឹកដែរថា នាមួយរយៈចុងក្រោយនេះមានតារាចម្រៀងជាច្រើនដែលបានប្រកាសវិលត្រឡប់មកចាប់អាជីពចាស់ឡើងវិញដូចជា អ្នកនាង អែនជី កញ្ញា តាក់ម៉ា កញ្ញា អែនជេឡា និងចុងក្រោយនេះគឺកញ្ញា លី អ៊ីវ៉ាធីណា ផ្ទាល់តែម្តង៕

សូមទស្សនារូបភាពខាងក្រោមនេះ៖