បាត់មុខយូរ អេជីឡា ប្រកាសត្រឡប់មកវិញ ជាមួយTrailer កប់មិនធម្មតា (មានវីដេអូ)

រាជធានីភ្នំពេញ ៖ ដូចដែរមហាជនបានដឹងរួចមកហើយថា តារាចម្រៀង អេជីឡា ជាតារាចម្រៀងដែលធ្លាប់មានឈ្មោះបោះសម្លេង កាលពីជាង ១០ឆ្នាំមុន តាមរយៈបទ លួចស្នេហ៍ដួងច៍ន្ទ និង Hello Kitty ដែលមានបទចម្រៀងផ្ទុះការគាំទ្រខ្លាំង។

ក្រោយពីផ្ទុះសម្លេងគាំទ្រច្រើនហើយ ស្រាប់តែតារាចម្រៀងរូបនេះ​ បាត់សម្លេងឈឹងពីវិថីសិល្បៈដោយគ្មានដឹងមូលហេតុច្បាស់លាស់ ក្រោយពេលបានរៀបការនឹងបុរសម្នាក់។

គួរបញ្ជាក់ផងដែរថា ថ្មីៗនេះ ស្រាប់តែមានការប្រកាសការវិលត្រឡប់មកប្រឡូកក្នុងវិថីសិល្បៈរបស់ខ្លួន ជាសាធារណៈតាមរយៈគណនីផេករបស់រូបនាងផ្ទាល់។ អ្វីដែលពិសេសនោះ គឺអ្នកគាំទ្រពិតជា មានការភ្ញាក់ផ្អើលខ្លាំងនឹងការវិលត្រឡប់នេះខ្លាំងណាស់ ក្រោយពេលបាត់មុខមាត់ជាច្រើនឆ្នាំកន្លងមក​។

មិនតែប៉ុណ្ណោះ តារាចម្រៀងរូបនេះ បានភ្ជាប់មកជាមួយនឹងTrailer ដែលទាក់ភ្នែកយ៉ាងខ្លាំងមកព្រមជាមួយ ទុកជាការស្វាគមន៍អ្នកគាំទ្រផងដែរ។ បើក្រឡេកមកមើលពី Trailer មួយនេះវិញ នេះបញ្ជាក់ថា ការវិលត្រឡប់មកលើកនេះរបស់រូបនាងពិតជានឹងនាំមកជាមួយនឹងអ្វីដែលប្លែក ថ្មី ជាមួយនឹងសម្លេងដែលមានទឹកដម ជាក់ជាមិនខាន៕

បើចង់ដឹងឲ្យកាន់តែច្បាស់នោះ តោះទៅរូបភាព និង វីដេអូខាងក្រោមបន្ថែម ៖