អង់គ្លេស៖ បើទោះបីជាទើបតែចាញ់បិសាចក្រហម Manchester United ក្នុងលទ្ធផល ៣ ទល់នឹង ២ នៃពានរង្វាន់ FA Cup កាលពីថ្ងៃអាទិត្យឈានចូលថ្ងៃច័ន្ទកន្លងទៅនេះក៏ពិតមែន ក៏លោកគ្រូបង្វឹក Jurgen Klopp នៅតែរក្សាទស្សនៈវិជ្ជមានដោយនិយាយថាបរាជ័យនេះបានធ្វើឲ្យលោកគ្រូមើលឃើញចំណុចខ្វះខាតរបស់ក្រុមដែលត្រូវពង្រឹងនិងរៀបចំក្បួនយុទ្ធសាស្ត្រដើម្បីចូលប្រកួតជាមួយក្លិបខ្នាយមាន់មាស Tottenham Hotspur ដែលធ្វើឡើងនៅថ្ងៃព្រសហ្បតិ៍ឈានចូលថ្ងៃសុក្រទី ២៩ ម៉ោង ៣ទាបភ្លឺនេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
បន្ទាប់ពីចាញ់ការប្រកួតទល់នឹង Man UTD អ្នកគាំទ្រហង្សក្រហម Liverpool ជាច្រើនមបានរិះគន់លើការដឹកនាំរបស់លោកគ្រូរួមទាំងទម្រង់លេងរបស់កីឡាករផ្សេងទៀត ប៉ុន្តែលោកគ្រូបែរជាគិតឃើញថាក្បួនយុទ្ធសាស្ត្រវាយបក ដែល Manchester United ប្រើមកលើ Liverpool គឺជាក្បួនដ៏ល្អមួយសម្រាប់ឲ្យ Liverpool ចម្លងតាមក្នុងការយកវាទៅប្រើប្រាស់លើក្រុមរបស់លោកគ្រូ Jose Mourinho ។
លោកគ្រូបង្វឹក Jurgen Klopp បាននិយាយក្នុងសន្និសីទកាសែតថា៖
ពួកយើងសម្លឹងឃើញភាពវិជ្ជមានពីការប្រកួតនេះ(ទល់នឹង Man UTD) ពិតណាស់ថាខ្ញុំបានស្វែងយល់ហើយថាយើងគួរប្រើយុទ្ធសាស្ត្របែបណា ក្នុងការប្រកួតជាមួយ Tottenham ព្រោះខ្ញុំគិតថាស្ទាយ៍នៃការវាយបករបស់ពួកគេ(Man UTD)គឺល្អណាស់អ៊ីចឹងហើយខ្ញុំដឹងថាក្រុមយើងត្រូវកែលម្អលើចំណុចណាខ្លះ។
លោកគ្រូ Klopp មិនបានប្រឈមនឹងស្ថានភាពបាត់បង់តំណែងជាគ្រូបង្វឹករបស់ Liverpool នោះឡើយបើទោះបីជាចាញ់ Man UTD ក៏ដោយ ព្រោះលោកគ្រូបានដឹកនាំឲ្យក្រុមឈ្នះពានរង្វាន់ធំៗដូចជា Champions League និង Premier League ហើយលោកគ្រូគិតថាក្រុមទាំងមូលនឹងត្រឡប់មកលេងល្អដូចដើមវិញនិងសំណូមពរកុំឲ្យអ្នកគាំទ្រព្រួយបារម្ភខ្លាំងពេក។
ខ្ញុំគ្មានអីត្រូវបាត់បង់ទំនុកចិត្ត(ក្នុងនាមជាគ្រូបង្វឹករបស់ Liverpool)ទេ ប៉ុន្តែក្នុងពេលជាមួយគ្នានោះពួកយើងក៏ទទួលយកពាក្យរិះគន់ដែរ។ពួកយើងអាចគ្រប់គ្រងស្ថានការណ៍បានពេញ១០០ភាគរយ ហើយអ្នកទាំងអស់គ្នាមិនចាំបាច់ព្រួយបារម្ភពីពួកយើងនោះឡើយ ក្នុងនាមជាក្រុមធំមួយ ពួកយើងនឹងសាមគ្គីគ្នា ពួកយើងសុទ្ធតែដឹងថា បើនរណាម្នាក់ក្នុងក្រុមមានបញ្ហា នោះក្រុមទាំងមូលនឹងមានបញ្ហា ហើយពួកយើងនឹងរួមគ្នាដោះស្រាយវា មើលទៅដូចជាគ្មានអ្នកណាលើកយករឿងល្អៗទេមកនិយាយទេពេល Liverpool ឈ្នះពានធំៗពីរបីឆ្នាំចុងក្រោយនេះ គ្មានអ្នកណាម្នាក់ទាល់តែសោះតែម្ដង!ពេលនេះពួកយើងកំពុងខិតខំប្រឹងប្រែងដើម្បីឈ្នះការប្រកួតឡើងវិញ គឺតែប៉ុណ្ណឹងឯង។
គួរបញ្ជាក់ផងដែរថា Liverpool នឹងត្រូវជួបក្រុមផ្សេងៗជាបន្តបន្ទាប់ដូចជា West Ham, Brighton, Manchester City និង Leicester City បន្ទាប់ពីប្រកួតទល់នឹង Tottenham Hotspur រួចរាល់៕
ប្រភព៖ metro
Bong I.T