Robertson ប្រឹងរត់មកស្រែកឲ្យ Greenwood ភ័យ តែទ័ពបិសាចវ័យក្មេងរូបនេះនៅតែស៊ុតបញ្ចូលទីបានយ៉ាងអេម (មានវីដេអូ)

អង់គ្លេស៖ អ្នកស្នេហាវិស័យកីឡាបាល់ទាត់របស់អង់គ្លេសប្រាកដជាដឹងហើយថាកាលពីយប់ថ្ងៃអាទិត្យឈានចូលថ្ងៃច័ន្ទកន្លងទៅនេះ ក្លិបបិសាចក្រហម Manchester United បានបើកទ្វារកីឡដ្ឋាន Old Trafford ស្វាគមន៍ក្រុមភ្ញៀវដែលជាគូប្រជែងគ្រប់រដូវកាល ហង្សក្រហម Liverpool ជាជំនួបក្នុងពានរង្វាន់ FA Cup ដែលលទ្ធផលគឺ បិសាចក្រហមត្របាក់ហង្ស ៣ ទល់នឹង ២ ធ្វើឲ្យ Liverpool ធ្លាក់ចេញពីពាន FA Cup ត្រឹមជុំទី៤ យ៉ាងគួរឲ្យសោកស្តាយ។

យ៉ាងណាមិញហេតុការណ៍គួរឲ្យអស់សំណើចមួយបានកើតឡើងកំឡុងពេលការប្រកួត នោះគឺខ្សែការពារ Andy Robertson ម្ចាស់អាវលេខ២៦របស់ Liverpool ប្រឹងរត់ទាំងត្រហេបត្រហបដើម្បីតាមឲ្យទាន់ខ្សែប្រយុទ្ធ Mason Greenwood ដើម្បីដណ្ដើមបាល់មកវិញតែ Greenwood រត់លឿនអស់ស្ទះតម្រង់ទៅកាន់អ្នកចាំទី Alisson Becker ទើប Robertson ប្រឹងស្រែកដាក់ត្រចៀកខ្លាំងៗក្នុងបំណងបំផ្លាញសមាធិរបស់គូប្រកួតតែ Greenwood នៅតែរក្សាភាពនឹងធឹង និងសម្រេចចិត្តបណ្ដើរបាល់លឿនស្លេវហើយស៊ុតមួយជើងនៅនាទីទី២៦ ជួយឲ្យ Man UTD តាមស្មើ Liverpool ១ ទល់នឹង ១ វិញ។

ខ្សែការពារ Andy Robertson និង ក្រុម Liverpool ទាំងមូលមានទឹកមុខខកចិត្តខ្លាំងណាស់ប៉ុន្តែ Mason Greenwood បែរជាឈរញញឹម បោយដៃដាក់កាំមេរ៉ាដែកចាប់រូបភាពគេក្នុងបំណងរាក់ទាក់អ្នកគាំទ្ររបស់ ក្លិបបិសាចក្រហម Manchester United ទាំងឡាយ។

បន្ទាប់ពីចប់ការប្រកួត Mason Greenwood ក៏បានបង្ហោះសារមួយផ្ញើជូនអ្នកគាំទ្រថា៖

គួរបញ្ជាក់ផងដែរថា ជ័យជំនះរបស់ Man UTD លើ Liverpool បានធ្វើឲ្យក្រុមឡើងទៅជុំទី៥ក្នុងពានរង្វាន់ FA Cup ដោយត្រូវប្រកួតជាមួយ West Ham ៕

សូមទស្សនាវីដេអូខាងក្រោមនេះ​៖

ប្រភព៖ thesun