អេស្ប៉ាញ៖ កាលពីយប់ថ្ងៃអាទិត្យកន្លងទៅនេះ ក្លិបអ្នកមានបុណ្យ Barcelona បានធ្វើដំណើរទៅកីឡដ្ឋាន Manuel Martinez Valero ដែលជាទឹកដីរបស់ក្រុម Elche ដោយក្រុមទាំងពីរត្រូវប្រកួតគ្នាក្នុងក្របខណ្ឌ La Liga ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរប្រធានក្រុមនិងជាខ្សែប្រយុទ្ធដ៏មុតស្រួច Lionel Messi មិនមានវត្តមានក្នុងការប្រកួតឡើយ ព្រោះនៅជាប់បម្រាមពីសហព័ន្ធកីឡាកបាល់ទាត់អេស្ប៉ាញដោយសាររូបគេបានយកដៃគ្រវាសដាក់ខ្សែប្រយុទ្ធ Villalibre ក្នុងជំនួបទល់នឹង Athletico Bilbao ក្នុងពានរង្វាន់ Spanish Super Cup ប៉ុន្តែយ៉ាងណាមិញលោកគ្រូបង្វឹក Ronald Koeman នៅតែជឿជាក់ថាក្រុមទាំងមូលនៅតែអាចសង្ឃឹមឈ្នះក្រុមម្ចាស់ផ្ទះ។
ការបើកឆាកនៅតង់ទី១គឺភាគីខាង Barcelona ជាអ្នករកគ្រាប់បាល់នាំមុខនៅនាទីទី ៣៩ ពេលខ្សែប្រយុទ្ធ Antoine Griezmann អូសបាល់មួយទល់មួយជាមួយខ្សែការពារម្នាក់របស់ខាង Elche តែពេលមកដល់ខាងមុខទី ខ្សែការពាររបស់ Elche ម្នាក់ដណ្ដើមបាល់បានតែភ្លាត់របូតចេញពីជើងវិញ បើកឱកាសឱ្យខ្សែបម្រើសញ្ជាតិហូឡង់ Frenkie De Jong ស្ទុះមករកនិងដាក់មួយជើងទម្លុះសំណាញ់ទីខណៈអ្នកចាំទី Badia គ្មានឱកាសបានហក់សង្គ្រោះបាល់ផងទើប Barcelona នាំមុខ១ ទល់នឹង ០។
ស្រាប់តែនៅចុងម៉ោងនានាទីទី៨៩ ខ្សែបម្រើវ័យក្មេង Riqui Puig ហក់តែតថែមមួយគ្រាប់ទៀតដោយមានការបញ្ជូនបាល់ពីខ្សែបម្រើ Frenkie De Jong យ៉ាងអេមនៅកៀកនឹងមុខទីជួយបង្គ្រប់ឲ្យ Barcelona យកឈ្នះ Elche ក្នុងលទ្ធផល ២ ទល់នឹង ០ ដែលមួយគ្រាប់នេះជាគ្រាប់បាល់ដំបូងរបស់ Puig ស៊ុតឲ្យក្រុម Barcelona ។
សម្រាប់ស្ថិតិនៃការប្រកួតគឺ Barcelona គ្រប់គ្រងបាល់បានដល់ទៅ៦៦% ខណៈ Elche បានតែ២៤% និងស៊ុតចំគោលដៅ ២ដង ចំណែក Barcelona ស៊ុតបានដល់ទៅ៨ដងឯណោះ។
Barcelona កំពុងឈរនៅលេខរៀងទី៣ក្នុងតារាង La Liga ដោយមាន៣៧ពិន្ទុក្នុងដៃ ចាញ់ក្រុមគូប្រជែងReal Madrid ដែលឈរនៅលេខរៀងទី២ចំនួន៣ពិន្ទុ និងចាញ់ Atletico Madrid ចំនួន៧ពិន្ទុ៕
សូមទស្សនាវីដេអូខាងក្រោម៖
ប្រភព៖ goal