ដឹងថាមិនបានចូលលេង! កីឡាករម្នាក់របស់ Man UTD នឹងចាកចេញទៅលេងនៅ La Liga ក្នុងលក្ខខណ្ឌខ្ចីជើង

អង់គ្លេស៖ យោងតាមការរាយការណ៍ ខ្សែបម្រើ Facundo Pellistri នឹងចាកចេញពីទឹកដីកីឡដ្ឋាន Old Trafford ដើម្បីទៅលេងខ្ចីជើងនៅក្លិបមួយក្នុងក្របខណ្ឌ La Liga នៅប្រទេសអេស្ប៉ាញក្នុងខែនេះ។

ភ្នាក់ងារតំណាងរបស់កីឡាករសញ្ជាតិអ៊ុយរ៉ាហ្កាយរូបនេះឈ្មោះ Edgardo Lasalvia បានថ្លែងប្រាប់សារព័ត៌មាន ficha.jes.com ដោយផ្ទាល់ថា Pellistri នឹងចាកចេញពី Manchester United ដើម្បីទៅស្វែងរកបទពិសោធន៍បន្ថែមក្នុងលីគកំពូលរបស់អេស្ប៉ាញ La Liga តែមិនបានបញ្ជាក់ថាខ្សែបម្រើវ័យ១៩ឆ្នាំរូបនេះនឹងទៅលេងឲ្យក្លិបមួយណានោះឡើយ។

លោក Lasalvia បាននិយាយថា៖

Pellistri បានមកចូលរួមជាមួយបិសាចក្រហម Manchester United កាលពីរដូវក្ដៅកន្លងទៅក្នុងតម្លៃខ្លួន ៩.៩លានផោន(ស្មើនឹងប្រមាណ១៣.៥លានដុល្លារ) ពីក្លិបនៅអ៊ុយរ៉ាហ្កាយឈ្មោះ Penarol ប៉ុន្តែមកទល់ពេលនេះហើយគេមិនទាន់បានបង្ហាញខ្លួនជាផ្លូវការឲ្យក្រុមបិសាចក្រហម Man UTD ឈុតធំនោះឡើយដោយសារបានឆ្លងវីរុសកូវីដ១៩នៅជិតថ្ងៃប្រកួតតែម្ដង។

ប៉ុន្តែគេធ្លាប់បានចូលលេងឲ្យក្រុមយុវជនក្រោម២៣ឆ្នាំឲ្យ Man UTD ដោយបានបង្ហាញខ្លួន៨ប្រកួត និងត្រូវបានលោកគ្រូបង្វឹក Ole Gunnar Solskjaer អនុញ្ញាតឲ្យមកហ្វឹកហាត់ជាមួយនឹងក្រុមឈុតធំដោយគេក៏ធ្លាប់បានបង្ហើបដែរថា ខ្សែប្រយុទ្ធ Edinson Cavani ដែលជាមិត្តរួមសញ្ជាតិអ៊ុយរ៉ាហ្កាយបានស្វាគមន៍គេនិងបានផ្ដល់ដំបូន្មានល្អៗដល់គេទៀតផង។

ក្លិប Man UTD អាចនឹងបើកទ្វារឲ្យ Facundo Pellistri ចាកចេញទៅខ្ចីជើងនៅទឹកដីអេស្ប៉ាញព្រោះក្លិបទើបតែចុះកិច្ចព្រមព្រៀងទិញយក Amad Diallo ពី Atalanta កាលពីសប្តាហ៍មុន៕

ប្រភព៖ football-espana