តោះ!មកមើលលទ្ធផលនៃការចាប់ឆ្នោតវគ្គ១៦ក្រុមពាន Copa Del Rey ដែល Barca ត្រូវជួបនឹង...

អេស្ប៉ាញ៖ ការប្រកួតបាល់ទាត់ក្នុងក្របខណ្ឌ Copa del Rey នៅវគ្គ១៦ក្រុមចុងក្រោយនារដូវកាល ២០២០-២០២១ បានចេញលទ្ធផលជាផ្លូវការហើយបន្ទាប់ពីការចាប់ឆ្នោតធ្វើឡើងនៅយប់មិញ។

ការប្រកួតពាន Copa Del Rey វគ្គ១៦ក្រុមនេះនឹងត្រូវធ្វើឡើងចាប់ពីថ្ងៃទី២៦ខែមករា ដល់ថ្ងៃទី២៨ខែមករា ដែលក្នុងនោះក៏បែងចែកចេញជា៨ប្រកួតនោះគឺ៖

• ក្លិប Alcoyano ប្រកួតជាមួយ ក្លិប Athletic Bilbao 

• ក្លិប Navalcarnero ប្រកួតជាមួយក្លិប FC Granada

• ក្លិប Girona ប៉ះជាមួយក្លិប Villarreal 

• ក្លិប Rayo Vallecano ប៉ះជាមួយក្លិប FC Barcelona

• ក្លិប UD Almeria ទល់នឹង Osasuna

•  ក្លិប Real Valladolid ប្រកួតជាមួយក្លិប Levante

• ក្លិប Sevilla ប្រកួតជាមួយក្លិប Valencia

• ក្លិប Real Betis ប៉ះនឹង Real Sociedad 

គួរបញ្ជាក់ផងដែរថាក្លិបយក្សធំៗដូចជា Atletico Madrid និង Real Madrid សុទ្ធតែបានធ្លាក់ចេញពីការប្រកួតពានរង្វាន់នេះ ដោយ AT Madrid ធ្លាប់ចាញ់ Cornella កាលពីវគ្គជម្រុះជុំទី២ ហើយ Real Madrid ទើបនឹងចាញ់ក្លិបមកពីលីគលេខ៣ Segunda B របស់អេស្ប៉ាញគឺ Alcoyano ក្នុងលទ្ធផល ២ ទល់នឹង ១ កាលពីថ្ងៃពុធឈានចូលថ្ងៃព្រហស្បតិ៍កន្លងទៅនេះ៕

ប្រភព៖ as