«ខ្ញុំព្យាយាមនិយាយជាមួយកូនរបស់ខ្ញុំដែរ តែគេមិនចង់និយាយជាមួយខ្ញុំវិញសោះ» «ខ្ញុំមិនដឹងថាមានរឿងអីនៅសាលាទេ ខ្ញុំមិនដែលឮកូនរបស់ខ្ញុំនិយាយលើសពីបាទ និងចាសទេ» ទាំងនេះជាសំណួររបស់ឪពុកម្តាយមួយចំនួនតែងតែសួរអ្នកដែលនៅជុំវិញខ្លួន។ ពិតជាលំបាកណាស់មែនទេ? អ្នកព្យាយាមដែរតែពុំបានលទ្ធផល។ ការពិតណាស់អ្នកមិនអាចផ្លាស់ប្តូរកូនរបស់លោកអ្នកទេ ប៉ុន្តែអ្នកអាចផ្លាស់ប្តូររបៀបដើម្បីមានឥទ្ធិពលទៅលើពួកគេ។ ខាងក្រោមនេះជាមូលហេតុទាំងប្រាំដែលធ្វើឱ្យកូនៗរបស់លោកអ្នកមិនចង់និយាយរកអ្នក ព្រមទាំងដំបូន្មានក្នុងការដោះស្រាយបញ្ហាទាំងនោះផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. អ្នកតែងតែដោះស្រាយបញ្ហាឱ្យពួកគេ
ឪពុកម្តាយជាច្រើនអះអាងថា កូនរបស់ពួកគេចង់បានដំបូន្មាននិងដំណោះស្រាយសម្រាប់បញ្ហារបស់ពួកគេ ដូច្នេះពួកគេដោះស្រាយបញ្ហាទាំងនោះជំនួសកូន។ ដំណោះស្រាយចំពោះបញ្ហានេះ អ្នកអាចសួរកូនៗរបស់អ្នកថា «តើកូនត្រូវការជំនួយក្នុងការដោះស្រាយវាទេ?»។ អ្នកក៏អាចលើកទឹកចិត្តនិងឱ្យពួកគាត់ព្យាយាមដោះស្រាយបញ្ហានោះដោយខ្លួនឯង ទោះបីវាមិនមែនជាដំណោះស្រាយល្អក៏ដោយ។
២. អ្នកនិយាយច្រើនពេក
ប្រសិនបើកូនលោកអ្នកមានការណែនាំច្រើនពេក ពួកគេត្រូវការពេលវេលាដើម្បីនៅស្ងៀមស្ងាត់ និងពេលវេលាខ្លះៗដើម្បីគិតពិចារណាពីអ្វីដែលអ្នកសួរ។ ប្រសិនបើកូនៗរបស់លោកអ្នកជាមនុស្សដែលរីករាយ ពួកគេត្រូវការពេលដើម្បីនិយាយ។ អ្នកអាចសួរសំណួរបើកទៅកាន់ពួកគេ ព្រមទាំងរង់ចាំការឆ្លើយតប អ្នកក៏អាចស្តាប់ពួកគេដោយយកចិត្តទុកដាក់។
៣. អ្នកវិនិច្ឆ័យលើពួកគេច្រើនពេក
កូនរបស់អ្នកមិនចង់និយាយជាមួយអ្នក ដោយព្រោះគេខ្លាចការឆ្លើយតបវិញពីអ្នក។ គេអាចនឹងមានអារម្មណ៍ថា អ្នករិះគន់ចំពោះការសម្រេចចិត្តរបស់គេ និយាយពាក្យអវិជ្ជមានអំពីពួកម៉ាករបស់គេ និងឱ្យគេមានភាពលំបាក។ អ្នកអាចពិនិត្យមើលឡើងវិញនូវការឆ្លើយតបរបស់អ្នក និងសួរសំណួរទៅកាន់ពួកគេដោយមិនបញ្ចប់ការសន្ទនាលឿនពេក។
៤. អ្នកមិនខ្វល់ខ្វាយចំពោះពួកគេ
កូនរបស់អ្នកអាចនឹងត្រៀមខ្លួនក្នុងការនិយាយ ប៉ុន្តែជួនកាលអ្នករវល់ណាស់ និងគ្មានពេលសម្រាប់ពួកគេ។ ឬក៏កូនរបស់អ្នកនឿយហត់ក្នុងការប្រកួតប្រជែងជាមួយនឹងការប្រើប្រាស់ទូរស័ព្ទនិងកុំព្យូទ័ររបស់អ្នក។ ដូចនេះ អ្នកអាចគ្រប់គ្រងទៅលើការមិនយកចិត្តទុកដាក់ជាមួយគាត់។ អ្នកត្រូវដាក់ទូរស័ព្ទចុះ ជាពិសេសនៅពេលកូនលោកអ្នកចេញពីសាលាមកដល់ផ្ទះ។
៥. អ្នកបង្ខំឱ្យកូនលោកអ្នកនិយាយ
នៅពេលដែលឪពុកម្តាយមានការព្រួយបារម្ភជាមួយកូន គេតែងតែចង់ដឹងថាមានរឿងអ្វីកើតឡើងចំពោះកូន។ វាពិបាកណាស់ក្នុងការសួរសំណួរដោយមិនបានទទួលការឆ្លើយតប ព្រមទាំងពិបាកនៅពេលកូនៗរបស់អ្នកមិនដឹងថាពួកគេកំពុងស្ទាក់ស្ទើរក្នុងការនិយាយ។ អ្នកអាចផ្លាស់ប្តូររបៀបក្នុងការសួរថា «ហេតុអ្វី»។ អ្នកអាចរក្សាទំនាក់ទំនងជាមួយពួកគេដោយនិយាយថា «ខ្ញុំនៅទីនេះនៅពេលកូនរួចរាល់ក្នុងការនិយាយ»៕