កម្ពុជា៖ នាថ្ងៃអង្គារទី១៩ខែមករាកន្លងទៅនេះ ក្លិប Angkor Tiger បានប្រកាសពីកិច្ចព្រមព្រៀងផ្ទេរយកកីឡាករសញ្ជាតិបេឡារុសម្នាក់ឈ្មោះ Maksim Taleyko ដែលលេងតំណែងជាខ្សែបម្រើជាផ្លូវការក្រោយ កីឡាករវ័យ២៧ឆ្នាំរូបនេះផ្លាស់ពីក្លិប Smorgon ដែលជាក្លិបលេងនៅលីគលេខ២របស់ប្រទេស បេឡារុស ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សMaksim Taleyko នឹងចូលរួមធ្វើជាផ្នែកមួយរបស់ Angkor Tiger ដែលជាក្លិបបង្ហាញខ្លួនក្នុងទឹកដីប្រទេសកម្ពុជាបាន៦ឆ្នាំមកហើយពោលគឺចាប់តាំងពីឆ្នាំ២០១៥មកម៉្លេះ ដោយគេនឹងពាក់អាវលេខ១៣។
ខ្សែបម្រើ Maksim Taleyko មានកម្ពស់ដល់ទៅ ១,៨៣ម៉ែត្រ។ ប្រវត្តិត្រួសៗរបស់ Taleykoគឺកាលពីរដូវកាល ២០០៨-២០០៩ គេធ្លាប់លេងឲ្យក្លិប BATE Borisov ចំនួន១រដូវកាលដែលក្លិបនេះជាក្លិបក្នុងប្រទេស បេឡារុស តែ១គត់ដែលធ្លាប់មានឈ្មោះមកលេងនៅក្របខណ្ឌ UEFA Champions League វគ្គចែកពូលនៅរដូវកាល ៥ខុសៗគ្នាគឺ រដូវកាល ២០០៨-២០០៩, ២០១១-២០១២,២០១២-២០១៣,២០១៤-២០១៥ និង ២០១៥-២០១៦ ។
Maksim Taleykov ក៏ធ្លាប់មានឈ្មោះចូលលេងឲ្យក្រុមជម្រើសជាតិបេឡារុសក្នុងឈុតយុវជនក្រោម១៧ឆ្នាំផងដែរកាលពីរដូវកាល ២០០៨-២០០៩។
គួរបញ្ជាក់ផងដែរថាកីឡាកររូបនេះបានបង្ហាញខ្លួនឲ្យក្លិប Smorgon ៦ដង មុននឹងផ្លាស់មក Angkor Tiger FC នៅទឹកដីខេត្តសៀមរាបរបស់កម្ពុជាតែម្ដង៕
ប្រភព៖ facebook