អង់គ្លេស៖ លោកគ្រូបង្វឹកសញ្ជាតិអាល្លឺម៉ង់ Jurgen Klopp បាននិយាយទាក់ទងនឹងអតីតកាលខ្លះៗរបស់លោកគ្រូកាលនៅដឹកនាំក្លិប Borussia Dortmund ដោយកាលពីឆ្នាំ២០១៣ គឺ Sir Alex Ferguson ធ្លាប់បញ្ចុះបញ្ចូលឲ្យរូបគាត់មកដឹកនាំក្លិបបិសាចក្រហម Manchester United ប៉ុន្តែលោកគ្រូបានបដិសេធប៉ុន្តែលោកគ្រូថារូបគាត់នៅតែមានសម្ពន្ធភាពល្អជាមួយ Sir Alex Ferguson និងតែងតែនិយាយជាមួយគ្នាតាមរយៈសារអេឡិចត្រូនិច ជាប់រហូត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅឆ្នាំ ២០១៥ លោកគ្រូ Klopp បានយល់ព្រមមកដឹកនាំក្រុមហង្សក្រហម Liverpool និងតាំងពីពេលនោះមកក្លិបមួយនេះបានក្លាយជាក្រុមខ្លាំងមួយដែលឈ្នះពានធំៗដូចជា Champions League នៅរដូវកាល ២០១៨-២០១៩ និងបន្តឈ្នះពាន Premier League នារដូវកាលមុនថែមទៀតផង។សមិទ្ធផលអស់ទាំងនោះបានធ្វើឲ្យលោកគ្រូក្លាយជាគ្រូបង្វឹកដ៏ឆ្នើមម្នាក់ដែលទើបទទួលបានពាន Coach of the Year ពីកម្មវិធី FIFA Best Football Awards ឆ្នាំ២០២០ កាលពីខែធ្នូកន្លងទៅ។
លោកគ្រូ Klopp បាននិយាយបញ្ជាក់ថា៖
ខ្ញុំមិនដែលគិតទេថាការមកដឹកនាំ Manchester (United) វាយ៉ាងម៉េច ខ្ញុំមិនធ្លាប់គិតពីវាសូម្បីមួយវិនាទីព្រោះខ្ញុំពិតជាសប្បាយចិត្តនឹងការស្នាក់នៅជាមួយ Liverpool ខ្ញុំនៅកន្លែងមួយដែលដូចផ្ទះរបស់ខ្ញុំអ៊ីចឹង។សូម្បីតែអាកាសធាតុនៅទីក្រុង Liverpool ក៏ល្អជាងនៅ ទីក្រុងManchester ដែរ!
លោកគ្រូបានបង្ហើបពីទំនាក់ទំនងជាមួយ Sir Alex Ferguson ថា៖
Alex និងខ្ញុំបានទាក់ទងគ្នាចាប់រហូត គេបានសរសេរសារខ្ញុំថានេះជាលេខថ្មីរបស់គេ ហើយខ្ញុំពិតជាមានកិត្តិយសណាស់ដែលមានឱកាសរាប់អានគេ ពួកយើងមានសម្ពន្ធភាពល្អជាមួយគ្នា។បើតាមទស្សនៈរបស់ខ្ញុំគឺពួកយើងជាមិត្តភក្តិនឹងគ្នាបើទោះបីជាម្នាក់ៗចង់ឲ្យក្រុមខ្លួនឈ្នះក៏ដោយ៕
ប្រភព៖ dailymail
Bong I.T