Ozil មិនទាន់ចេញពី Arsenal ស្រួលបួលផង ឥលូវកីឡាករពីរនាក់ដណ្ដើមគ្នាយកអាវលេខ១០បាត់ហើយ!

អង់គ្លេស៖ ខ្សែប្រយុទ្ធ២រូបរបស់ក្លិបកាំភ្លើងធំ Arsenal គឺ Alexandre Lacazette និង ប្រធានក្រុម Pierre-Emerick Aubameyang កំពុងឈ្លោះប្រកែកគ្នាដើម្បីបានស្នងតំណែងអាវលេខ១០ប្រចាំនៅ Arsenal បន្តពីខ្សែបម្រើ Mesut Ozil ដែលទើបនឹងប្រកាសចាកចេញពីក្លិបទៅចូលរួមជាមួយក្លិបតួកគី Fenerbahce កាលពីម្សិលមិញ។

Ozil ជាម្ចាស់អាវលេខ១០នៅ Arsenal តាំងពីឆ្នាំ២០១៨មកម៉្លេះ ខណៈដែលខ្សែប្រយុទ្ធ Aubameyang ពាក់អាវលេខ១៤ ចំណែក Lacazette ពាក់អាវលេខ៩ ប៉ុន្តែក្រោយ Ozil ចាកចេញ វាមានន័យថាតំណែងម្ចាស់អាវលេខ១០នៅទំនេរ អ៊ីចឹងហើយទើបពួកគេពីរនាក់កំពុងប្រជែងយកអាវនេះមកគ្រប់គ្រងរៀងៗខ្លួន។

យ៉ាងណាមិញ ខ្សែប្រយុទ្ធទាំងពីរមិនមែនឈ្លោះប្រកែកគ្នាមែនទែននោះឡើយ ពោលគឺពួកគេគ្រាន់តែលេងសើចប៉ុណ្ណោះដោយមុនដំបូង Alexandre Lacazette បានបង្ហោះរូបភាពខ្លួនឯងនិងប្រធានក្រុម Aubameyang ចង្អុលមុខគ្នាកំលុងពេលហ្វឹកហាត់ដោយកាត់តជាមួយរូបភាពត្លុកដែលយើងហៅថា Meme(មីម) ជាមួយសារមួយថា៖

បន្ទាប់មកខ្សែប្រយុទ្ធ Pierre-Emerick Aubameyang ក៏បានតបទៅវិញដោយសរសេរថា៖

ក្រោយពីបានព្រមព្រៀងគ្នាថា Lacazette នឹងស្នងអាវលេខ១០ពី Ozil បន្ត រូបគេបានបង្ហោះសារមួយផ្ញើជូនដល់ ខ្សែបម្រើ Mesut Ozil ថា៖

គួរបញ្ជាក់ផងដែរថាកន្លងមក កីឡាករ Arsenal ដែលធ្លាប់ពាក់អាវលេខ១០មានដូចជា Jack Wilshere, Robin Van Persie, William Gallas និងវីរបុរស Dennis Bergkamp ខណៈដែល Alexandre Lacazette ធ្លាប់ពាក់អាវលេខ១០កាលគេលេងនៅក្លិបបារាំង Lyon ៕

ប្រភព៖ dailymail