អ៊ីតាលី៖ លោក Roberto Boninsegna ដែលជាអតីតកីឡាករសញ្ជាតិអ៊ីតាលីធ្លាប់លេងឲ្យ Juventus បាននិយាយថា ខ្សែប្រយុទ្ធ Romelu Lukaku គឺជាកីឡាករល្អជាងខ្សែប្រយុទ្ធ Cristiano Ronaldo ទៅទៀតហើយគ្មានអ្វីអាចមកផ្លាស់ប្ដូរគំនិតលោកបានទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សRonaldo ធ្លាប់ឈ្នះពានបាល់មាស Ballon D'or ដល់ទៅ៥ និងធ្លាប់លើកពាន Champions League ៥ដងទៀតប៉ុន្តែ Boninsegna នៅតែជឿជាក់ថា ឥលូវនេះ Romelu Lukaku គឺជាកីឡាករដែលចេះសម្រេចចិត្តបានជាក់លាក់និងមិនចេះរារែក។
លោក Boninsegna បានថ្លែងប្រាប់ TuttoJuve ថា៖
Romelu Lukaku ផ្ទេរចេញពីទឹកដីកីឡដ្ឋាន Old Trafford មកកាន់ទឹកដី San Siro របស់ក្លិប Inter Milan ក្នុងឆ្នាំ២០១៩ និងរកបាន៥១គ្រាប់ក្នុងការបង្ហាញខ្លួនសរុប៧៣លើកសម្រាប់ Inter Milan ហើយថ្មីៗនេះក៏លេចឮព័ត៌មានចចាមអារ៉ាមថាក្លិបមេឃខៀវ Manchester City កំពុងចង់បានរូបគេមកចូលរួមនៅទឹកដី Etihad ដោយគ្រោងនឹងយកកីឡាករវ័យ២៧ឆ្នាំរូបនេះមកជំនួស ខ្សែប្រយុទ្ធ Sergio Aguero ។
គួរបញ្ជាក់ផងដែរថាកាលពីយប់ថ្ងៃអាទិត្យឈានចូលថ្ងៃច័ន្ទកន្លងទៅនេះក្លិប Inter Milan ក៏បានបំបាក់សេះបង្កង់ Juventus ក្នុងលទ្ធផល ២ ទល់នឹង ០ ដែលរកគ្រាប់បាល់ដោយខ្សែបម្រើ Arturo Vidal នៅនាទីទី១២ និង Nicolo Barella នៅនាទីទី៥២៕
ប្រភព៖ talksport