អង់គ្លេស៖ខ្សែការពារសញ្ជាតិស្កុតឡែន៍ Kieran Tierney ដែលជាសំណព្វចិត្តរបស់អ្នកគាំទ្រក្លិបកាំភ្លើងធំ Arsenal មិនបានបង្ហាញមុខក្នុងការប្រកួតរវាង Arsenal ទល់នឹង Crystal Palace កាលពីយប់ថ្ងៃព្រហស្បតិ៍ឈានចូលថ្ងៃសុក្រនោះឡើយទើបអ្នកគាំទ្របានទាមទារឲ្យលោកគ្រូបង្វឹក Mikel Arteta បកស្រាយពីមូលហេតុពិតប្រាកដដែលគេអវត្តមានយ៉ាងដូច្នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពេលនេះលោកគ្រូបង្វឹកសញ្ជាតិអេស្ប៉ាញរូបនេះបាននិយាយស្រាយបំភ្លឺហើយថាលោកគ្រូមិនមែនមិនចង់ដាក់ឲ្យ Tierney ចូលលេងនោះឡើយប៉ុន្តែដោយសារខ្សែការពារវ័យ២៣ឆ្នាំរូបនេះបានត្អូញត្អែរថាគេដូចជាមានបញ្ហាទាក់ទងនឹងសាច់ដុំមុនពេលប្រកួតចាប់ផ្ដើម ទើបលោកគ្រូមិនចង់បង្ខំឲ្យគេចូលលេងនិងចង់ឲ្យគេចូលពិនិត្យអាការៈជាមុនសិន។
លោកគ្រូបង្វឹក Arteta បានពន្យល់ថាលោកគ្រូបានដាក់ឲ្យខ្សែការពារ Ainsley Maitland-Niles មកជំនួស Tierney ក៏ដោយសារខ្លាច Tierney មានបញ្ហារបួស៖
Kieran Tierney បានក្លាយជាកីឡាករស្នូលម្នាក់ក្នុងក្រុម Arsenal ឈុតធំនិងរកបាន១គ្រាប់ព្រមទាំងបញ្ជូនបាល់ឲ្យមិត្តរួមក្រុម២គ្រាប់ទៀតក្នុងការបង្ហាញខ្លួនសរុប២១ប្រកួតឲ្យក្លិប។
គួររម្លឹកផងដែរថាខណៈនោះ Arsenal កំពុងឈរនៅលេខរៀងទី១១ក្នុងក្របខណ្ឌ Premier League មាន២៣ពិន្ទុក្នុងដៃដោយឆ្លងកាត់១៧ប្រកួតកន្លងមកនេះ៕
ប្រភព៖ goal