អង់គ្លេស៖ លោក Dimitar Berbatov ដែលជាអតីតកីឡាកររបស់ Manchester United គិតថាខ្សែប្រយុទ្ធសញ្ជាតិអ៊ុយរ៉ាហ្កាយ Edinson Cavani គឺជាអាវុធដ៏មុតស្រួចសម្រាប់តតាំងនឹងហង្សក្រហម Liverpool ខណៈដែល Man UTD នឹងប្រកួតតទល់នឹង ក្លិបម្ចាស់ពាន Premier League រដូវកាលមុននៅថ្ងៃអាទិត្យនេះហើយដែលពេលនេះ Man UTD កំពុងឈរនៅកំពូលតារាង បន្ទាប់ពីឈ្នះ Burnley ១ ទល់នឹង០ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្នុងនោះដែរអ្វីដែលគួរឲ្យចាប់អារម្មណ៍គឺ Cavani នឹងត្រឡប់មករួមក្រុមវិញបន្ទាប់ពីត្រូវសហព័ន្ធកីឡាករបាល់ទាត់ដាក់បម្រាមមិនឲ្យចូលប្រកួត៣ប្រកួតជាប់គ្នាដោយសារការបង្ហោះពាក្យរើសអើសពូជសាសន៍កាលពីខែវិច្ឆិកាកន្លងទៅនេះ ហើយលោក Berbatov ជឿថាឥទ្ធិពលរបស់ Edinson Cavani នឹងបន្លាចគូប្រជែង Liverpool ឲ្យបាក់ស្បាត។
កីឡាករវ័យ៣៣ឆ្នាំរូបនេះរកបាន៤គ្រាប់ក្នុងការបង្ហាញខ្លួនសរុប១៥លើកឲ្យ Man UTD បន្ទាប់ពីផ្ទេរមកទឹកដី Old Trafford ដោយគ្មានតម្លៃខ្លួនពីក្លិបសេដ្ឋីបារាំង Paris Saint-Germain កាលពីខែតុលាកន្លងទៅ។
បើទោះបីជាគេត្រូវលោកគ្រូបង្វឹក Ole Gunnar Solskjaer ដាក់ឲ្យអង្គុយកៅអីបម្រុងក៏លោក Berbatov នៅតែគិតថា Cavani ជាគន្លឹះនៃភាពជោគជ័យរបស់ Liverpool ដោយលោកបានថ្លែងប្រាប់ Betfair ថា៖
ខ្ញុំគិតថាក្រុមទាំងពីរនឹងប្រយុទ្ធដាក់គេទៅវិញទៅមកយ៉ាងស្វិតស្វាញណាស់ព្រោះមាន Salah, Mane, Martial និង Rashford បូកបញ្ចូលគ្នា អ៊ីចឹងហើយទើបវានឹងក្លាយជាការប្រកួតដ៏គួរឲ្យជក់ចិត្តតែក្នុងនោះខ្ញុំគិតថាបើសិន Cavani អាចមានឱកាសចូលលេង គេនឹងមានភាពឈ្លាសវៃដោយដឹងពីតិចនិក និងយុទ្ធសាស្ត្រក្នុងការបំបែកកំផែងការពាររបស់ Liverpool ហើយគេអាចនឹងក្លាយជាអាវុធដ៏មុតស្រួចសម្រាប់ក្រុម Man UTD ក្នុងការបង្អើល Liverpool ទៀងផង។
ប្រភព៖ goal
Bong I.T