អង់គ្លេស៖ លោក Rio Ferdinand ដែលធ្លាប់លេងនៅក្លិបបិសាចក្រហម Manchester United ក្នុងនាមជាខ្សែការពារបានបង្ហាញឈ្មោះកីឡាករក្នុងជម្រើស១១នាក់ដែលលោកបានចុចយកក្នុង FIFA Team of The Year របស់លោក ដោយក្នុងនោះអ្វីដែលគេកត់សម្គាល់គឺ គ្មានខ្សែប្រយុទ្ធឆ្នើម Lionel Messi របស់ក្លិបអ្នកមានបុណ្យ Barcelona និងខ្សែបម្រើ Bruno Fernandes នៃក្លិប Manchester United នោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Ferdinand បានប្រើប្រព័ន្ធលេង ៤-៣-៣ ដែលលោកជឿថាតំបន់ការពារគួរតែដាក់កីឡាករជារនាំងកំផែងឲ្យច្រើននាក់ ខណៈដែលតំបន់ប្រយុទ្ធមាន៣នាក់។
អ្វីដែលគួរឲ្យភ្ញាក់ផ្អើលគឺ បើទោះបីជាលោកធ្លាប់លេងឲ្យ Manchester United ដែលជាក្រុមគូប្រជែងរបស់ហង្សក្រហម Liverpool ក៏ដោយក៏លោកបានចុចយកកីឡាករមកពីក្លិបម្ចាស់ពាន Premier League រដូវកាលមុននេះដល់ទៅ៥នាក់ឯណោះ។
ក្នុងនោះដែរ កីឡាករ Liverpool ដែលលោកជ្រើសរើសគឺ អ្នកចាំទីឆ្នើមសញ្ជាតិប្រេស៊ីល Alisson Becker ,ខ្សែការពារ Trent Alexander-Arnold វ័យ២២ឆ្នាំ ,ខ្សែការពារសញ្ជាតិហូឡង់ Virgil van Dijk ,ខ្សែបម្រើ Thiago Alcantara ដែលធ្លាប់លេងឲ្យក្លិបយក្សអាល្លឺម៉ង់ Bayern Munich ព្រមទាំងខ្សែប្រយុទ្ធសញ្ជាតិសេនេកាល់ Sadio Mane ផងដែរ។
ក្រៅពីនោះ ក៏មានខ្សែការពាររបស់ Real Madrid គឺ ប្រធានក្រុម Sergio Ramos មកចាប់ដៃគូគ្នាការពារជាមួយ Alexander-Arnold,Van Dijk និង ខ្សែការពារវ័យក្មេងរបស់ Bayern Munich គឺ Alphonso Davies ដែលលោក Ferdinand បានពិពណ៌នាថាខ្សែការពារដែលលោកជ្រើសរើសទាំង៤នាក់នេះគឺពិតជាមានទាំងកម្លាំង និងខួរក្បាលក្នុងការប្រយុទ្ធលើទីលាន។
ដោយឡែក តំបន់បម្រើវិញគឺលោកបានជ្រើសយក ខ្សែបម្រើ Kevin De Bruyne ដែលលោកគិតថាគេជា "ខ្សែបម្រើដ៏ល្អបំផុតនៅ Premier League" ដោយគេចាប់ដៃគូគ្នាលេងក្នុងតំបន់បម្រើជាមួយ ខ្សែបម្រើ Thiago Alcantara និង Joshua Kimmich ដែលបច្ចុប្បន្នលេងឲ្យក្លិប Bayern Munich ។
លោក Ferdinand គិតថា Kimmich លេងល្អជាង Bruno Fernandes ដែលជាកីឡាករស្នូលនិងកំពុងលេចធ្លោនៅអតីតក្លិបរបស់លោក។
ចំណែកក្នុងតំបន់ប្រយុទ្ធវិញ លោកគិតថាខ្សែប្រយុទ្ធ Robert Lewandowski ដែលទើបឈ្នះពាន FIFA Best Men's Player Award កាលពីខែធ្នូកន្លងទៅអាចចាប់ដៃគូជាមួយ ខ្សែប្រយុទ្ធ Cristiano Ronaldo និង Sadio Mane ។
ខាងក្រោមនេះជាបញ្ជីឈ្មោះកីឡាករទាំង១១នាក់របស់លោក Rio Ferdinand ៖
ប្រភព៖ dailymail