Ozil ថាសុខចិត្តចូលនិវត្តន៍ មិនលេងឲ្យ Spurs ទេ ស្រាប់តែលោកគ្រូ Mourinho ដាក់មួយម៉ាត់បកទៅវិញល្មមចត់បាយ!

អង់គ្លេស៖ ការឌឺងដងពាក្យសម្ដីគ្នាបានកើតឡើងក្រោយខ្សែបម្រើ Mesut Ozil ថាគេសុខចិត្តចូលនិវត្តន៍ពីអាជីពជាកីឡាករបាល់ទាត់បើសិន Spurs ចាប់អារម្មណ៍ចង់ផ្ទេរយករូបគេ ទើបលោកគ្រូបង្វឹកសញ្ជាតិព័រទុយកាល់ Jose Mourinho បានវាយបកទៅកាន់សម្ដីរបស់ Ozil វិញ។

Ozil ដែលត្រូវក្លិបកាំភ្លើងធំ Arsenal បោះបង់ ដោយលោកគ្រូ Mikel Arteta មិនដាក់ឲ្យចូលលេងតាំងពីខែកុម្ភៈឆ្នាំមុននៅតែរក្សាជំហរថាគេស្មោះស្ម័គ្រនឹង Arsenal និងមិនធ្លាប់សោកស្តាយទេដែលមកចូលរួមនៅទឹកដីកីឡដ្ឋាន Emirates និងមិនមានគំនិតចង់ទៅចូលរួមជាមួយក្លិបណានៅ Premier League ឡើយជាពិសេសគឺ Spurs តែម្ដង។

ខ្សែបម្រើរូបនេះបានឆ្លើយតបសំណួររបស់អ្នកគាំទ្រម្នាក់ដែលសួរថា រវាងការចូលរួមជាមួយក្លិប Spurs និង ចូលនិវត្តន៍ តើគេជ្រើសរើសយកមួយណា?

ស្រាប់តែ Ozil ចេញមុខឆ្លើយថា៖

ពេលឮដូច្នេះលោកគ្រូបង្វឹក Jose Mourinho របស់ក្លិបមាន់ខ្នាយមាស Tottenham Hotspur បានថ្លែងវាយបកទៅកាន់សម្ដីក្អេងក្អាងរបស់ Mesut Ozil នៅក្នុងសន្និសីទមួយថា៖

សម្ដីមួយម៉ាត់នេះស្ដែងឲ្យដឹងថា Tottenham Hotspur មិនធ្លាប់គិតដល់ការទិញយកខ្សែបម្រើសញ្ជាតិអាល្លឺម៉ង់មួយរូបនេះឡើយ។

អ្វីដែលគួរឲ្យភ្ញាក់ផ្អើលនោះគឺ លោកគ្រូ Jose Mourinho និង ខ្សែបម្រើ Mesut Ozil ធ្លាប់រួមការងារជាមួយគ្នានៅ Real Madrid ពីឆ្នាំ២០១០ -២០១៣ ប៉ុន្តែមើលទៅអតីតគ្រូ-សិស្សមួយគូនេះមិនបានមានមនោសញ្ចេតនាណាមួយជាមួយគ្នាឡើយ៕

ប្រភព៖ dailymail