សុភ័ក្រ កុសុម៉ា ប្រាថ្នា «ចង់បានគូ» ក្នុងថ្ងៃខួបកំណើត

ភ្នំពេញ៖ សុភ័ក្រ កុសុម៉ា ជាតារាចម្រៀង និងពិធីការិនីពូកែវោហាស័ព្ទមិនចេះរីកស្ងួត ដែលទទួលបានការគាំទ្រយ៉ាងច្រើនពីទស្សនិកជន និងមិត្តៗយុវវ័យ។ តារាស្រីសម្បុរស្រអែមរូបនេះ មានសមត្ថភាពខ្ពស់សម្បូរបែប ទាំងការច្រៀង ការសម្តែង និងជាពិធីការិនី ប៉ិនប្រសព្វខាងកំប្លែងស្ងួត ពិសេសថែមទាំងមានភាពរួសរាយរាក់ទាក់ទៅកាន់មនុស្សជុំវិញខ្លួនផងដែរ។

យ៉ាងណាមិញ មួយរយៈនេះសង្កេតឃើញថា តារាស្រីរូបនេះពិតជាមមាញឹកយ៉ាងខ្លាំងទាំងការងារក្នុងរង្វង់សិល្បៈ និងកម្មវិធីតូចធំផ្សេងៗជាច្រើន។ ទោះបីជា កញ្ញាមានការមមាញឹកក្នុងការងារសិល្បៈយ៉ាងណាក្តី តែនៅលើបណ្តាញសង្គម ហ្វេសប៊ុក ក៏ដូចជា អ៊ីនស្តាក្រាមរបស់កញ្ញា តែងតែបង្ហោះរូបភាពស្អាតៗ បង្ហាញពីសកម្មភាពសិល្បៈ និងដំណើរកំសាន្តនានាមិនដាច់នោះឡើយ។

តួយ៉ាង កាលពីថ្ងៃទី៥ ខែមករា ឆ្នាំ២០២១នេះ កញ្ញាបានបង្ហោះរូបភាពជាច្រើនសន្លឹក បង្ហាញពីសកម្មភាពនៅក្នុងកម្មវិធីខួបកំណើតរបស់នាង ដែលឃើញមានសិល្បករ សិល្បការិនី ចូលរួមអបអរយ៉ាងកុះករ។ ក្នុងនោះផងដែរ កញ្ញាបានសរសេរសារជូនពរខ្លួនឯង និងប្រាថ្នាឲ្យឆាប់បានប្តីផងដែរ សូមអានសំណេររបស់កញ្ញាដូចខាងក្រោម៖ "រីករាយថ្ងៃកំណើតខ្លួនឯង ជូនពរខ្លួនឯងសំណាងល្អ ញញឹមឲ្យបានច្រើន ការងារល្អ ជាពិសេសមានសេចក្តីសុខក្នុងជីវិត នឹងឆាប់មានប្តី"៕

សូមទស្សនារូបភាពខាងក្រោម៖