ស្របទៅតាមបច្ចេកវិទ្យារីកលូតលាស់ឥតឈប់ឈរ ការរស់នៅរបស់មនុស្សកាន់តែមានភាពទំនើបទៅៗ ហើយកាត់បន្ថយការងាររបស់មនុស្សបានមួយចំំណែកធំដែរ។ ជាការពិតណាស់ ដើម្បីអាចរក្សាបន្លែផ្លែឈើ ត្រីសាច់ យើងគ្រប់ៗគ្នាតែងយកអារហារទាំងនោះដាក់ក្នុងទូរទឹកកកដើម្បីដាក់ក្លាស្សេ ដោយវាជួយឲ្យអារហាររបស់យើងទុកបានយូរ តែវាមិនមែនសុទ្ធតែបែបនេះទាំងអស់នោះទេ អារហារខ្លះលោកអ្នកពុំគួរយកវាទៅដាក់ក្លាស្សេឡើយ ព្រោះក្រៅពីមិនអាចជួយដល់សុខភាពលោកអ្នក វាអាចបង្កទៅជាហានិភ័យចំពោះរាងកាយទៅវិញ។ នេះបើតាមការចុះផ្សាយរបស់គេហទំព័រ drhealthmag ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងក្រោមនេះជាឈ្មោះអារហារខ្លះៗ ដែលលោកអ្នកពុំគួរយកវាទៅដាក់ក្លាស្សេនោះឡើយ៖
១. ប៉េះប៉ោះ
កាលណាលោកអ្នកដាក់វាក្នុងទូរទឹកកក ប៉េងប៉ោះអាចនឹងត្រូវបាត់បង់សារជាតិវីតាមីនហើយក៏ងាយស្វិត និងបាត់បង់រសជាតិទៅជាជូរផងដែរ។
២. ផ្លែត្រប់
វាក៏ដូចជាផ្លែប៉េងប៉ោះដែរ វាមិនអាចមិនអាចស្ថិតក្នុងសីតុណ្ហភាពត្រជាក់ពេកបានទេ។
៣. ផ្លែប័រ
ក្នុងករណីលោកអ្នកចង់ឱ្យវាឆាប់ទុំលឿន គឺមិនចាំបាច់ដាក់ក្លាស្សេទេ គ្រាន់តែទុកនៅកន្លែងស្ងួតមិនក្តៅមិនត្រជាក់ជាការស្រេច។
៤. ខ្ទឹមបារាំង
នៅពេលលោកអ្នកដាក់វាក្នុងទូរទឹកកកវានឹងឆាប់ស្វិត ដូច្នេះដើម្បីឱ្យទុកបានយូរ ខ្ទឹមបារាំងត្រូវដាក់កន្លែងដែលមានខ្យល់។
៥. ដំឡូងបារាំង
ដំឡូងបារាំងវាអាចនឹងបាត់បង់រសជាតិឆ្ងាញ់ ហើយប្រែទៅជាពណ៌ស្រអាប់ខ្មៅ ប្រសិនលោកអ្នកដាក់វាក្លាស្សេនោះ។
៦. ផ្លែឪឡឹក
ផ្លែឪឡឹកនឹងបាត់បង់ជាតិវីតាមីននៅពេលអ្នកក្លាស្សេវាទាំងមូល ប៉ុន្តែបើសិនអ្នកចង់ញ៉ាំបែបត្រជាក់ៗ អ៊ីចឹងអាចពុះជាចំនិតៗ ហើយដាក់ក្លាស្សេដោយមានថង់រុំឱ្យបានជិតល្អ៕