អឺរ៉ុប៖ ក្រោយក្លិបបិសាចក្រហម Manchester United ចង់បានលោកគ្រូបង្វឹកសញ្ជាតិអាហ្សង់ទីន Mauricio Pochettino មកដឹកនាំ ថ្មីៗនេះមានព័ត៌មានចចាមអារ៉ាមផ្ទុះឡើងថាលោកគ្រូ Pochettino នឹងមកដឹកនាំក្លិបសេដ្ឋី Paris Saint-Germain ក្រោយក្លិបបានបញ្ចប់តួនាទីលោកគ្រូបង្វឹក Thomas Tuchel កាលពីម្សិលមិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកគ្រូ Tuchel បានដឹកនាំឲ្យ PSG ឈរនៅលេខរៀងទី៣ ចាញ់ក្រុមកំពូលតារាង Lyon ១ពិន្ទុ ហើយទោះ PSG បានកក់កៅអីទៅវគ្គ១៦ក្រុមចុងក្រោយក្នុងព្រឹត្តិការណ៍ Champions League ក៏ដោយក៏ក្លិបនៅតែមិនពេញចិត្តនឹងការដឹកនាំរបស់លោកគ្រូ។
យោងតាមរាយការណ៍ជាច្រើនគឺមានភាគរយខ្ពស់ណាស់ដែលអតីតលោកគ្រូបង្វឹកក្រុមខ្នាយមាន់មាស Tottenham Hotspur មកដឹកនាំជាគ្រូបង្វឹកថ្មីព្រោះលោកគ្រូធ្លាប់បង្ហើបថាលោកគ្រូចូលចិត្តទីក្រុងប៉ារីស និងស្រឡាញ់ក្លិប PSG ដែលលោកគ្រូធ្លាប់លេងឲ្យកាលពីឆ្នាំ ២០០០-២០០១ នោះឯង។
លោកគ្រូ Pochettino បាននិយាយកាលពីខែមុនថាលោកគ្រូកំពុងរង់ចាំមើលឱកាសល្អក្នុងការវិលត្រឡប់ទៅធ្វើជាគ្រូបង្វឹកវិំញបន្ទាប់ពីយួរកាបូបចាកចេញពីទឹកដីកីឡដ្ឋាន Tottenham Hotspur កាលពីឆ្នាំមុន។
លោកគ្រូបាននិយាយថា៖
ដោយឡែក កន្លងមកក៏បានលេចឮពាក្យចចាមអារ៉ាមដែរថា Real Madrid កំពុងតាមសម្លឹងចង់បានលោកគ្រូMauricio Pochettino មកទឹកដី Santiago Bernabeu ដើម្បីដឹកនាំជំនួសលោកគ្រូបង្វឹក Zinedine Zidane កាលពី Real Madrid នៅត្រាំត្រែងនឹងការបរាជ័យម្ដងហើយម្ដងទៀតប៉ុន្តែពេលនោះ គ្មានព័ត៌មានណាបញ្ជាក់ថាលោកគ្រូនឹងផ្លាស់ទៅក្លិបអធិរាជសនេះឡើយដូច្នេះ PSG អាចជាក្លិបដែលលោកគ្រូជ្រើសរើសមកដឹកនាំបន្ត។
លោកគ្រូ Pochettino ធ្លាប់ដឹកនាំក្រុម Tottenham Hotspur រយៈពេល៥ឆ្នាំពីឆ្នាំ២០១៤ ដល់ ២០១៩ បន្ទាប់ពីក្លិបធ្លាក់ទៅឈរនៅលេខ១៤ក្នុងតារាង Premier League លោកប្រធានក្លិប Daniel Levy បាននិយាយថា លោកមិនសប្បាយចិត្តនឹងការដឹកនាំរបស់លោកគ្រូឡើយ៕
ប្រភព៖ manchestereveningnews