អង់គ្លេស៖ កាលពីយប់ថ្ងៃពុធឈានចូលថ្ងៃព្រហស្បត្តិ៍កន្លងទៅ ក្លិបខ្នាយមាន់មាស Tottenham Hotspur ត្រូវប្រកួតទល់ជាមួយនឹងក្លិប Stoke City នៅកីឡដ្ឋាន Britannia ដែលជាការប្រកួតក្នុងក្របខណ្ឌ Carabao Cup។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលទ្ធផលនៃការប្រកួតគឺ Spurs យកឈ្នះក្រុមម្ចាស់ផ្ទះក្នុងលទ្ធផល ១ ទល់នឹង ៣ ដែល៣គ្រាប់របស់ Spurs នេះគឺ ខ្សែប្រយុទ្ធ Gareth Bale ដែលខ្ចីជើងពី Real Madrid ស៊ុតបាននាទីទី២២ តាមដោយខ្សែការពារ Ben Davies នៅតង់ទី២នាទីទី៧០ បិទគូថដោយខ្សែប្រយុទ្ធ Harry Kane ដែលជាប្រធានក្រុមជម្រើសជាតិអង់គ្លេស នៅនាទីទី៨១ ខណៈដែល ខាង Stoke City ស៊ុតបញ្ចូលទី១គ្រាប់ដោយខ្សែបម្រើ Jordan Thompson នៅនាទីទី៥៣។
ទោះក្រុមខ្នាយមាន់មាសរបស់លោកគ្រូ Mourinho ស្រវាជ័យជំនះបានឡើងបន្តទៅវគ្គពាក់កណ្ដាលផ្ដាច់ព្រ័តពាន Carabao Cup ក៏ដោយក៏លោកគ្រូនៅតែមិនសប្បាយចិត្តដោយសារលោកគ្រូសង្កេតឃើញកីឡាករម្នាក់ក្នុងក្រុមបានធ្វើឲ្យបាល់ខូចច្រើនណាស់ដែលវាបានបើកឱកាសឲ្យក្រុមរបស់ Stoke City ឆក់យកបាល់បានដែលកីឡាករម្មាក់នោះគឺ ខ្សែបម្រើ Dele Alli នេះឯង។
លោកគ្រូបង្វឹកសញ្ជាតិព័រទុយកាល់ Jose Mourinho មានអារម្មណ៍ខឹងសម្បារទៅលើកីឡាករសញ្ជាតិអង់គ្លេសរូបនេះណាស់ក្រោយលោកគ្រូប្ដូររូបគេចូលក្នុងការប្រកួតទល់នឹង Stoke ។
ក្រោយចប់ការប្រកួត អ្នកកាសែតបានសួរលោកគ្រូ Mourinho ថាលោកគ្រូមានអារម្មណ៍ខឹងនឹង Dele Alli ទេ ស្រាប់តែលោកគ្រូឆ្លើយថា៖
គួរបញ្ជាក់ផងដែរថា អនាគតរបស់ Dele Alli និងក្លិប Tottenham Hotspur មើលទៅស្រពេចស្រពិលនិងគ្មានភាពវិជ្ជមានឡើយ ដោយរូបគេមិនទាំងបានជាប់ឈ្មោះក្នុងបញ្ជីកីឡាករប្រកួតទល់នឹង ក្លិបកញ្ជ្រោង Leicester City កាលពីថ្ងៃអាទិត្យកន្លងទៅផង។
ហើយក្នុងការប្រកួតទល់នឹង Stoke City នេះ Alli លេងបានតែ១៣នាទីគត់ ក៏ត្រូវប្ដូរចេញដោយដាក់ខ្សែបម្រើ Erik Lamela ចូលមកជំនួសវិញ។
គួរបញ្ជាក់ផងដែរថានៅរដូវកាលនេះ Dele Alli ចូលលេងបានតែ៤ប្រកួតប៉ុណ្ណោះដែលសុទ្ធសឹងជាការប្រកួតដែលគេមិនបានជាប់ជម្រើស១១នាក់ដំបូង និងមិនទាន់ស៊ុតបញ្ចូលទីបាននៅឡើយទេ៕
សូមទស្សនាវីដេអូសង្ខេបនៃការប្រកួតខាងក្រោម៖
ប្រភព៖ thesun