អង់គ្លេស៖ វីរបុរសរបស់បិសាចក្រហម Wayne Rooney កំពុងសម្លឹងចង់បានអតីតមិត្តរួមក្រុមរបស់គេគឺខ្សែការពារ Phil Jones មកចូលរួមជាមួយក្លិប Derby County Football Club ដែលបច្ចុប្បន្ន Rooney មានតំណែងជាជំនួយការគ្រូបង្វឹកតែគេចង់យក Jones ក្នុងលក្ខខណ្ឌខ្ចីជើងប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបិសាចក្រហម Manchester United អាចនឹងបើកភ្លើងខៀវអនុញ្ញាតឲ្យកីឡាករវ័យ២៨ឆ្នាំរូបនេះចាកចេញក្នុងលក្ខខណ្ឌខ្ចីជើងពេលទីផ្សារដោះដូរកីឡាករខែមករាបើកទ្វារ ខណៈដែលក្លិបនៅ Premier League ពីរទៀតគឺ Burnley និង West Brom ក៏ចង់បានកីឡាករដែលបានតម្លៃពលកម្មក្នុងមួយសប្តាហ៍ដល់ទៅ ១សែន២ម៉ឺនផោន(ស្មើនឹងប្រមាណ១សែន៦ម៉ឺនដុល្លារ) រូបនេះដែរ។
យ៉ាងណាមិញយោងតាមសារព័ត៌មាន The Star គឺ Jones អាចនឹងទាក់ចិត្តទៅចូលរួមជាមួយក្រុម Derby ដែលមានអតីតមិត្តរួមក្រុម Wayne Rooney ចាំទទួលខណៈដែលស្ថានភាពរបស់គេជាមួយក្លិបបិសាចក្រហម Man UTD មិនសូវល្អប៉ុន្មានទេដោយគេត្រូវលោកគ្រូ Ole Gunnar Solskjaer ផាត់គេចោល មិនមានឈ្មោះសូម្បីក្នុងបញ្ជីកីឡាករ ទាំង២៥នាក់ នៅរដូវកាលនេះ។
លោកគ្រូ Ole មិនទាន់ចង់លក់ Jones ទេដោយត្រូវការស្ទាបស្ទង់ស្ថានការណ៍សិនទើបដាក់គេឲ្យក្លិបផ្សេងខ្ចីជើង ម្យ៉ាងទៀត មកពី Phil Jones ជាកីឡាករដែលស៊ីថ្លៃពលកម្មខ្ពស់គួរសមទើបមានគំនិតចង់រុញគេឲ្យក្លិបផ្សេងសិន។
តាំងពី Wayne Rooney ចូលកាន់តំណែងជាជំនួយការគ្រូបង្វឹកមកគឺគេបានដឹកនាំឲ្យក្រុមឈ្នះ២ប្រកួតនិងស្មើ៤ប្រកួតនិងមិនទាន់ស្គាល់ពាក្យថាចាញ់នៅឡើយទេ អ៊ីចឹងហើយ Rooney ចង់បានJones មកពង្រឹងក្រុមបន្ថែមទៀតប៉ុន្តែត្រូវប្រជែងជាមួយនឹងក្លិប Burnley និង West Brom ។
Burnley ទើបតែងតែងតាំងលោក Sam Allardyce ជាគ្រូបង្វឹកជំនួយលោកគ្រូ Slaven Bilic ដែលលោកគ្រូ Sam នេះធ្លាប់ជាគ្រូបង្វឹករបស់ Phil Jones កាលពីគេលេងឲ្យ BlackBurn ទើបគេគិតថា Jones អាចនឹងចង់ទៅនៅក្រោមការគ្រប់គ្រងរបស់លោកគ្រូ Sam វិញចំណែកឯក្លិប West Brom វិញគឺអាចនឹងតាមទិញ Phil Jones បើសិនតាមយក James Tarkowski មិនបាន៕
ប្រភព៖ thesun