អេស្ប៉ាញ៖ ដូចដែលដឹងហើយថាកាលពីថ្ងៃព្រហស្បតិ៍កន្លងទៅ ក្លិបអ្នកមានបុណ្យ Barcelona ត្រូវជួបតទល់ជាមួយនឹង ក្លិប Real Sociedad ដែលកាលណោះការប្រកួតធ្វើឡើងនៅទឹកដីកីឡដ្ឋាន Camp Nou នៅទីក្រុង បាសេឡូណា ប្រទេសអេស្ប៉ាញ។

កីឡាករ Barcelona ទល់នឹង  Real Sociedad
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយសារតែការប្រកួតមិនអនុញ្ញាតឲ្យមានអ្នកចូលទស្សនាទើបអ្នកគាំទ្រភាគច្រើនតែងតែឈរនៅចិញ្ចឹមផ្លូវតាមចំណុចនានាជិតៗកីឡដ្ឋានដើម្បីបានឃើញមុខកីឡាករសំណព្វចិត្តរបស់ខ្លួន។

រូបភាពតំណាង

ក្រោយ Barcelona យកឈ្នះ Real Sociedad ក្នុងលទ្ធផល ២ ទល់នឹង ១ កីឡាករ Barca ទាំងអស់ក៏ធ្វើដំណើរត្រឡប់មកផ្ទះវិញដោយប្រាកដណាស់ថា ខ្សែប្រយុទ្ធឆ្នើមម្ចាស់ Ballon d'or ៦សម័យ Lionel Messi ក៏បើកឡានចាកចេញពីកីឡដ្ឋានត្រឡប់មកផ្ទះវិញតាមធម្មតា។

ខ្សែប្រយុទ្ធ Lionel Messi

ស្រាប់តែពេលនោះអ្នកគាំទ្រម្នាក់របស់គេដែលជាក្មេងប្រុសវ័យជំទង់បានរត់កាន់ទូរស័ព្ទរបស់ខ្លួនដើម្បីបានថតផ្ដិតយករូបភាព Messi ប៉ុន្តែរូបគេបែរជាជំពប់ជើងដួល។ Messi មើលតាមកញ្ចក់ឃើញដូច្នេះក៏បានបន្ថយល្បឿនរថយន្តរបស់ខ្លួននិងសន្សឹមៗឈប់ឡាន ជាចង្វាក់តែមួយដែលក្មេងប្រុសម្នាក់នោះងើបឡើងវិញនិងរត់មករកគេ ទើបគេញញឹមនិង សម្រូតកញ្ចក់ឡានចុះព្រមទាំងធ្វើរឿងគួរឲ្យគោរពមួយគឺ យកអាវកីឡារបស់គេហុចឲ្យអ្នកគាំទ្រម្នាក់នោះថែមទៀតផង។

រូបភាពតំណាង

ក្នុងវីដេអូ Tiktok របស់អ្នកគាំទ្រម្នាក់នោះបាននិយាយជាភាសាអេស្ប៉ាញទៅកាន់Messi ហើយ Messi ក៏ឆ្លើយតបវិញដោយញញឹមតិចៗ មុននឹងបើកឡានទៅមុខបន្តទៀត។

Messi និយាយជាមួយអ្នកគាំទ្រ

គួរបញ្ជាក់ផងដែរថា វីដេអូដែលអ្នកគាំទ្រថតបាននោះត្រូវបានបង្ហោះលើបណ្ដាញសង្គម Tik Tok ដែលបានទទួលការចូលមើលរហូតដល់ទៅ ២លាននាក់ទាំងដែលទើបតែបង្ហោះមិនដល់៣ថ្ងៃ។

អ្នកគាំទ្រថតជាមួយអាវ Messi 

កាយវិការគួរឲ្យគោរពរបស់ Messi មិនមែនជារឿងថ្មីទេ ព្រោះកន្លងមកខ្សែប្រយុទ្ធសញ្ជាតិអាហ្សង់ទីនម្នាក់នេះទើបតែឈ្នះពាន Peace of the Year ពីកម្មវិធី Peace and Sport Awards នៅឆ្នាំ២០២០នេះ ដោយសាររូបគេលេងក្នុងការប្រកួតប្រកបដោយយុត្តិធម៌ថែមទាំងបានបង្កើតមូលនិធិ Messi Foundation សម្រាប់ទំនុកបម្រុងដល់ការសិក្សារបស់ក្មេងៗនៅបណ្ដាប្រទេសជាច្រើនដូចជា អាហ្សង់ទីន អេស្ប៉ាញ កេនយ៉ា ស៊ីរី នេប៉ាល់ ជាដើម។

Messi បានផូសរូបភាពមួយភ្ជាប់ជាមួយនឹងពាននោះដោយបានសរសេរថា៖

Lionel Messi 
សារបង្ហោះរបស់ Messi 

ទស្សនាវីដេអូ Messi ជាមួយអ្នកគាំទ្រដូចខាងក្រោម៖

សកម្មភាព Messi ឱ្យអាវអ្នកគាំទ្រ

ប្រភព៖: republicworld

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]