លោក Cole ថាកីឡាករ Man UTD ម្នាក់នេះនឹងក្លាយជាខ្សែប្រយុទ្ធល្អផ្ដាច់គេលើលោកនៅ៥ឆ្នាំទៀត

អង់គ្លេស៖ អតីតខ្សែប្រយុទ្ធរបស់ក្លិប Manchester United គឺលោក Andy Cole បានទស្សទាយអនាគតរបស់កូនបិសាចក្រហមម្នាក់គឺ ខ្សែប្រយុទ្ធ Mason Greenwood ថាគេនឹងក្លាយជាខ្សែប្រយុទ្ធដ៏អស្ចារ្យម្នាក់ក្នុងលោកដោយចំណាយរយៈពេលតែ៥ឆ្នាំទៀតប៉ុណ្ណោះ។

Greenwood រកគ្រាប់បាល់បាន១៨គ្រាប់នៅរដូវកាលមុន ដែលជារដូវកាលដែលគេបានចូលលេងញឹកញាប់ បានធ្វើឲ្យលោកគ្រូ Southgate ដែលជាគ្រូបង្វឹកក្រុមជម្រើសជាតិអង់គ្លេសកោះហៅ គេឲ្យចូលជម្រើសជាតិឈុតធំ។

តែសំណាងអាក្រក់ ខ្សែប្រយុទ្ធវ័យត្រឹមតែ១៩ឆ្នាំរូបនេះបានល្មើសនឹងគោលការណ៍បញ្ចៀសខ្លួន ពីជំងឺកូវីដ១៩ ក្រោយលេងទល់នឹងក្រុម អ៊ីស្លង់ ទើបគេមិនអាចចូលរួមប្រកួតបាននិងស៊ុតបញ្ចូលទីបានតែ១គ្រាប់ប៉ុណ្ណោះនៅរដូវកាលនេះ។

យ៉ាងណាមិញ Cole នៅតែជឿជាក់ថា Greenwood នឹងក្លាយជាតារារះដ៏ឆ្នើមដោយសារគេមានអ្វីៗគ្រប់យ៉ាងដែលកីឡាករល្អបំផុតមានដោយលោកបានប្រាប់ The Target Men ថា៖

Greenwood បានត្រឡប់មកវិញនិងបង្កភាពលេចធ្លោដោយបានស៊ុតបញ្ចូលទីទម្លុះសំណាញ់ក្រុម Westham ដែលធ្វើឲ្យគេក្លាយជាកីឡាករមួយដែលល្អគួរឲ្យកត់សម្គាល់ ទោះបីជានៅរដូវកាលមុនគេធ្វើមិនសូវបានល្អក៏ដោយ តែសង្ឃឹមថា Greenwood នឹងប្រឹងឡើងមកកាន់ចំណុចខ្ពស់ម្ដងទៀតដោយការរុញ Manchester United ឲ្យឡើងលើកំពូលតារាង Premier League ខណៈដែលពេលនេះក្លិបបិសាចក្រហមឈរនៅលេខរៀងទី៦ មាន២៣ពិន្ទុក្នុងដៃ។

ទន្ទឹមនឹងនោះដែរ លោក Andy Cole គិតថា Edinson Cavani នឹងរួមចំណែកជួយឲ្យ Greenwood ប្រឹងប្រែងអភិវឌ្ឍខ្លួនបន្តទៅទៀតដោយការរៀនពីខ្សែប្រយុទ្ធសញ្ជាតិអ៊ុយរ៉ាហ្កាយរូបនេះ។

ប្រភព៖ thesun