បន្ទាប់ពីបានដឹកនាំក្រុម Real Madrid យកឈ្នះទៅលើក្រុម Borussia Monchengladbach ក្នុងលទ្ធផល ២ ទល់នឹង ០ ដើម្បីកក់កៅអីឡើងទៅលេងវគ្គ ១៦ ក្រុមចុងក្រោយពានរង្វាន់ UEFA Champion League នោះគ្រូបង្វឹក Zinedine Zidane បានបដិសេធថាលោកមិនអាចនៅដឹកនាំ Real Madrid បានយូរដូចពេលលោក Sir Alex Ferguson ដឹកនាំក្រុមបិសាចក្រហម Manchester United ឡើយ។
គួរបញ្ជាក់ផងដែរថា តំណែងរបស់លោក Zinedine Zidane ហាក់ដូចជាមានភាពស្រពិចស្រពិលបន្ទាប់ពីលោកធ្វើមិនបានល្អឡើយនាមួយរយៈចុងក្រោយនេះសម្រាប់ពាន La Liga និងពានអឺរ៉ុបនេះដោយលោកយកជ័យជំនះបានមួយប្រកួតប៉ុណ្ណោះនា ៥ ប្រកួតចុងក្រោយមុនជំនួបតទល់ជាមួយ Borussia Monchengladbach នេះ។
យ៉ាងណាមិញ ក្រុម Real Madrid ហាក់ដូចជានាំនូវភាពជោគជ័យត្រឡប់មកវិញហើយបន្ទាប់ពីឈ្នះ ២ ប្រកួតជាប់គ្នាដោយបានយកឈ្នះលើក្រុម Sevilla កាលពីថ្ងៃសៅរ៍ និងយកឈ្នះលើក្រុម Monchengladbach កាលពីយប់ថ្ងៃពុធឈានចូលថ្ងៃព្រហស្បតិ៍នេះ ហើយជំនួបចុងសប្តាហ៍នេះគឺក្រុម Real Madrid នឹងត្រូវប្រកួតជាមួយក្រុមខ្លាំងដូចគ្នាគឺ Atletico Madrid។
គ្រូបង្វឹក Zinedine Zidane បាននិយាយថា៖
លោក Sir Alex Ferguson បានចំណាយពេលដឹកនាំក្រុម Manchester United បានរយៈពេល ២៦ ឆ្នាំ។ ដោយឡែកលោក Zinedine Zidane ទើបដឹកនាំ Real Madrid បាន ៤ ឆ្នាំប៉ុណ្ណោះដែលជារយៈពេលដែលលោកឡើងកាន់តំណែងនេះដល់ទៅ ២ ដងឯណោះ៕