Liverpool កំពុងចាប់អារម្មណ៍ចង់បានតារាឆ្នើមរបស់ Wolves ពីររូបទៀតនៅខែមករាខាងមុខ

អង់គ្លេស៖ ក្លិបហង្សក្រហម Liverpool អាចនឹងមមាញញឹកជាងគេនៅទីផ្សារដោះដូរខែមករាខាងមុខ ខណៈដែលកំពុងជួបវិបត្តិកីឡាកររបួសឥតល្ហែនៅដើមរដូវកាល២០២០/២១នេះ។

ក្នុងនោះបើតាមគេហទំព័រ Daily Star បានឲ្យដឹងថាលោកគ្រូបង្វឹក Jurgen Klopp កំពុងចាប់អារម្មណ៍ចង់បានតារាឆ្នើមរបស់ក្លិប Wolves ពីររូបទៀត ក្រោយទិញបានខ្សែប្រយុទ្ធ Diogo Jota នៅរដូវក្ដៅកន្លងមកនេះ។

ដោយឡែកកីឡាករទាំងពីររូបរបស់ Wolves ដែល Liverpool គ្រោងដាក់សំណើផ្ទេរយកមករួមក្រុម នៅដើមឆ្នាំក្រោយនោះ សុទ្ធសឹងតែកីឡាកររបស់ព័រទុយកាល់ ពោលមានដូចជាខ្សែបម្រើវ័យ២៣ឆ្នាំ Ruben Neves និង​ខ្សែប្រយុទ្ធវ័យ១៨ឆ្នាំ Fabio Silva ៕

ប្រភព៖ sportsmole