ប៉េកាំង៖ យោងតាមទីភ្នាក់ងារសារព័ត៌មានចិនស៊ីនហ័រ (Xinhua) បានចុះផ្សាយថា គ្រោះថ្នាក់នៅអណ្តូងរ៉ែមួយឈ្មោះថា Diaoshuidong ក្នុងក្រុង ឆុងឈីង (Chongqing) ភាគនិរតីនៃប្រទេសចិន បានសម្លាប់កម្មករអណ្តូងរ៉ែចំនួន ១៨នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសារព័ត៌មានខាងលើបានបញ្ជាក់ថា ក្នុងចំណោមកម្មករអណ្តូងរ៉ែ ២៤នាក់ ដែលចាប់នៅក្រោមដី ដោយសារការលេចធ្លាយឧស្ម័នពុលកាបូនម៉ូណូអុកស៊ីដ គឺមាន ១៨នាក់បានស្លាប់ និងម្នាក់ត្រូវបានជួយសង្គ្រោះ ហើយក្រុមសង្គ្រោះកំពុងតាមរកអ្នកផ្សេងទៀតបន្តទៀត។
គួរជម្រាបផងដែរថា អណ្តូងរ៉ែរបស់ប្រទេសចិន គឺស្ថិតក្នុងចំណោមអណ្តូងរ៉ែដ៏មានគ្រោះថ្នាក់បំផុត នៅលើពិភពលោក។ ហើយកាលពីចុងខែកញ្ញា កន្លងទៅនេះ អណ្តូងរ៉ែមួយឈ្មោះថា Songzao ដែលមានទីតាំងនៅទីក្រុង ឆុងឈីង ដូចគ្នានេះ បានសម្លាប់មនុស្ស ១៦នាក់ ដោយសារការលេចធ្លាយឧស្ម័នពុល៕