បរទេស៖ មានរឿងមន្ទឹលសង្ស័យជាច្រើនជុំវិញអនាគតរបស់ម្ចាស់ Ballon D'or 6សម័យ Messi នៅ ក្លិប Barcelona ចាប់តាំងពីចុងរដូវកាលមុនមកម្ល៉េះ។ កីឡាករសញ្ជាតិអាហ្សង់ទីនរូបនេះបានបញ្ជាក់យ៉ាងច្បាស់ពីបំណងចង់អស់ល្អនឹងគ្នាជាមួយក្លិបនៅដើមរដូវក្តៅនេះ បន្ទាប់ពីមានការមិនពេញចិត្តមួយចំនួនទាក់ទងនឹងការសម្រេចចិត្តរបស់ក្លិប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាមសារព័ត៌មានបារាំងបានឲ្យដឹងថា តារាឆ្នើមរបស់ក្លិបអ្នកមានបុណ្យ Barcelona កីឡាករ Lionel Messi នឹងវេចបង្វេចដើរចេញពីក្លិបដោយគ្មានតម្លៃខ្លួននៅរដូវក្តៅខាងមុខនេះ ដើម្បីទៅជ្រកក្រោមទ្រនំក្លិបអ្នកមាននៅបារាំង PSG ។
គួរឱ្យដឹងដែរថា ម្ចាស់ពាក់អាវលេខ១០រូបនេះមានការផ្សាភ្ជាប់ជាខ្លាំងក្នុងការផ្ទេរទៅកាន់ក្លិបអ្នកមាននៅអង់គ្លេស Manchester City ប៉ុន្តែតម្លៃខ្លួនទិញផ្តាច់កុងត្រា៧០០លានផោន បានធ្វើឲ្យការផ្ទេរជាប់គាំង ខណៈកុងត្រាជាមួយ Barcelona នៅមិនទាន់ជាប់នៅឡើយ ដែលធ្វើឲ្យ Messi ត្រូវបង្ខំចិត្តលេងនៅ Barcelona បន្តទៀត។
ព្រមគ្នានេះផងដែរ តារាឆ្នើមរបស់ PSG កីឡាករ Neymar ដែលជាអតីតដៃគូយល់ចិត្ត ធ្លាប់ប្រគាកស្មាគ្នាប្រយុទ្ធ លើសមរភូមិវាលស្មៅកន្លងទៅ ក៏ធ្លាប់បានលើកឡើងផងដែរថា ខ្លួននឹងជួបជុំជាមួយ Messi វិញនៅរដូវកាលក្រោយ ។ គាប់ជួនផងដែរ លោក Carles Tusquets ដែលកាន់តំណែងជាប្រធានក្លិបបណ្តោះអាសន្នរបស់ Barcelona បានថ្លែងប្រាប់អ្នកកាសែតកាលពីពេលថ្មីៗនេះថា " យើងគួរតែលក់ Messi ចេញនៅរដូក្តៅខាងមុខនេះ"៕