យល់ដឹង៖ នៅក្នុងជីវិតយើងម្នាក់ៗមិនថាអ្នកណាទេ រមែងតែងចង់មានជីវិតគូឬដៃគូរយល់ចិត្ត ។ តែស្នេហាមិនមែនជារឿងងាយស្រួលដូចយើងចង់បាន១០០ ភាគរយ នោះទេ បើជ្រើសខុសគឹមានតែសេចក្តីទុក្ខ ច្រើនជាងសេខក្តីសុខ ហើយការរស់នៅម្នាក់ឯងក៏វាមិនមែនជារឿងគួរឱ្យខ្លាចនោះទេ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង មានមនុស្សជាច្រើនណាស់ដែលទទួលបាននូវជោគជ័យ ក្នុងការសិក្សា និង ការងារទោះជាគ្មានស្នេហាក៏ដោយ ។ មនុស្សយើងទោះជារស់នៅគ្មានស្នេហាក៏អាចធ្វើឱ្យខ្លួនឯងសប្បាយចិត្តនិងមានក្តីសុខបានដែរ ។ អ្នក Single ជាច្រើនមិនដែលដឹងទេ ថាខ្លួនឯងកំពុងជួបរឿងដែលអាចធ្វើឱ្យខ្លួនឯងមានអត្ថប្រយោជន៍ប៉ុណ្ណានោះទេ!
ប្រសិនបើអ្នកមិនជឿលើអ្វីដែលរៀបរាប់ខាងលើទេ! ចូរអ្នកពិចារណានូវអត្ថប្រយោជន៍ដ៏គួរឱ្យភ្ញាក់ផ្អើលទាំង៩ចំណុចនេះ៖
១. អ្នកអាចធ្វើដំណើរកម្សាន្តបានដោយរីករាយ
តើអ្នកធ្លាប់គិតទេថាដៃគូស្នេហារបស់អ្នកអាចនឹងមានប្រតិកម្មបែបណា នៅពេលដែលអ្នកធ្វើដំណើរកម្សាន្តទៅកន្លែងឆ្ងាយហើយចំណាយពេលជាច្រើនថ្ងៃដោយមិនយកពួកគេទៅជាមួយ? ច្បាស់ណាស់ពួកគេប្រាកដជាមិនសប្បាយចិត្ត ។ ដូច្នេះហើយដំណើរកម្សាន្តរបស់យើង គឺពិតជាមិនមានភាពសប្បាយរីករាយនោះទេ។ ទោះជាយ៉ាងណា មនុស្សដែល Single គឺមានសេរីភាពក្នុងការធ្វើដំណើរកម្សាន្ត មិនថាយើងធ្វើដំណើរកម្សាន្តឆ្ងាយឬប្រើរយៈពេលយូរប៉ុណ្ណានោះទេ គឺដំណើរកម្សាន្តរបស់យើងប្រកបដោយភាពរីករាយ។
២. អ្នកអាចលេងជាមួយអ្នកណាក៏បានដោយមិនមានការភ័យខ្លាច
ជាការពិតណាស់យើងតែងតែលេងសើចជាមួយមិត្តភក្តិដើម្បីបង្កើតនូវភាពសប្បាយហើយ ទោះជាស្និទ្ធស្នាលខ្លាំងក៏ដោយ ក៏យើងមិនខ្លាចអ្នកណាខឹងឬអន់ចិត្តអីដែរ។ ផ្ទុយទៅវិញចំពោះអ្នកមានដៃគូស្នេហាគឺពួកគេមិនសូវហ៊ានលេង ឬសិ្នទ្ធស្នាលជាមួយមិត្តភក្តិនោះទេ ដោយខ្លាចដៃគូស្នេហារបស់ខ្លួនខឹងឬមិនសប្បាយចិត្ត។
៣. អ្នកអាចមើលថែរាងកាយរបស់ខ្លួនឯងបានល្អ
វាជារឿងដែលគួរឱ្យចង់សើចណាស់ នៅពេលដែលអ្នកមានដៃគូ ។
តាមការស្ទង់មតិរបស់អ្នកស្រាវជ្រាវអង់គ្លេសបានរកឃើញថា មនុស្សជាច្រើន បានឡើងទម្ងន់ ១៤ ផោនបន្ទាប់ពីចាប់ផ្តើមមានទំនាក់ទំនងស្នេហា។ ការឡើងទម្ងន់នេះលេចឡើងជាផលវិបាក ដោយសារតែសកម្មភាពរាល់ថ្ងៃ។ កត្តាដែលធ្វើឱ្យពួកគេឡើងទម្ងង់គឺពួកគេចូលចិត្ត ‘’ញាំអាហារក្រៅ’’។ ប្រសិនបើអ្នកចង់បានរាងស្អាតនិងមានពេលថែរក្សារាងកាយ ជីវិត Single នេះហើយគឺជាជម្រើសដ៏ល្អរបស់អ្នក។
៤. អ្នកអាចមានពេលវេលាសម្រាប់ស្គាល់ខ្លួនឯងឱ្យកាន់តែច្បាស់
មនុស្សយើងម្នាក់ៗគឺត្រូវស្រលាញ់ខ្លួនឯងឱ្យបានច្រើនមុនពេលឱ្យអ្នកដទៃស្រលាញ់ ។ ដូច្នេះហើយយើងត្រូវមានពេលវេលាដើម្បីឈ្វេងយល់ពីខ្លួនឯងឱ្យបានច្រើនជាងមុន។ ព្រោះថាបើយើងមិនទាន់ស្គាល់ខ្លួនឯងច្បាស់ផង តើចង់ឱ្យគេមកស្រលាញ់យើងយ៉ាងម៉េច ?
៥. អ្នកអាចគេងដោយស្ងប់ស្ងាត់និងគ្មានការរំខាន
អ្នកគិតទេថាត្រូវចំណាយពេលប៉ុន្មាននាទី ប៉ុន្មានម៉ោងក្នុងមួយយប់ៗដើម្បីនិយាយទូរសព្ទ័ឬលេងឆាតជាមួយដៃគូអ្នក ហើយបើសិនជាដៃគូអ្នកចេញក្រៅនោះ ច្បាស់ណាស់ថាអ្នកត្រូវគេងចាំថាពេលណាដៃគូអ្នកមកដល់ផ្ទះវិញ។
តែចំពោះអ្នក Single វិញ យើងអាចគេងដោយភាពសុខសាន្ត និងមិនចាំបាច់ខ្វល់ឬត្រូវចំណាយពេលឱ្យដៃគូ ។
៦. អ្នកអាចក្លាយទៅជាមនុស្សម្នាក់ដែលអាចពឹងខ្លួនឯងបាន
តើអ្នកធ្លាប់ឆ្លងកាត់ការបែកបាក់ដ៏រំជួលចិត្តយ៉ាងខ្លាំងទេ? ពិតណាស់វាបានធ្វើឱ្យអ្នកបាត់បង់ខ្លួនឯងរយៈពេលជាច្រើនខែ ច្រើនឆ្នាំ ។ ប៉ុន្តែភាពឈឺចាប់ទាំងនោះហើយដែលបានបង្រៀនយើងឱ្យចេះស្រលាញ់និងស្គាល់ពីខ្លួនឯងបានច្រើនជាងមុនបន្ទាប់យើងប្រើជិវិតSingle ជាថ្មី។ យើងក៏អាចធ្វើឱ្យខ្លួនឯងមានក្តីសុខពេញលេញមួយបានដែរ ដោយឈប់ពឹងពាក់អ្នកដទៃហើយក៏ឈប់ទុកសេចក្តីសុខខ្លួនឯងនៅនឹងអ្នកដទៃតទៀត។
៧. អ្នកអាចមានពេលវេលាគ្រប់គ្រាន់សម្រាប់មិត្តជិតសិ្នទ្ធ
ពេលវេលាកាន់តែទៅមុខ ហើយមនុស្សម្នាក់ៗក៏មិនសូវជាមានពេលគ្រប់គ្រាន់សម្រាប់មិត្តភក្តិ ពេលខ្លះសឹងតែអត់ទៅទៀត។ មិត្តភកិ្តក៏ជាចំណែកដ៏សំខាន់មួយនៅក្នុងជីវិតយើងដែរ ព្រោះថាគ្រប់ពេលយើងមានទុក្ខគឺមានមិត្តចាំនៅក្បែរយើងរហូត។ ប្រសិនបើយើងមានដៃគូ ច្បាស់ណាស់យើងនិងចំណាយពេលដែលឆ្លៀតពីការងារឬការសិក្សាទៅឱ្យដៃគូនោះទាំងអស់។ ដូច្នេះហើយការនៅSingle គឺជម្រើសមួយដ៏ល្អសម្រាប់អ្នក។
៨. អ្នកអាចគេចចេញពីទំនាស់រវាងអ្នកទី៣របស់ដៃគូអ្នក
នៅក្នុងស្នហាច្បាស់ណាស់ បើមានម្ខាងលួចក្បត់ទៅមានអ្នកទី៣វាគឺជារឿងដ៏សែនឈឹចាប់ខ្លាំងមួយសម្រាប់ម្ខាងទៀត ហើយការឈឺចាប់ទាំងនោះអាចធ្វើឱ្យខ្លួនគេហ៊ានធ្វើរឿងឆ្កួតៗដែលនឹកស្មានមិនដល់ទៀតផង។
៩. អ្នកអាចធ្វើអ្វីឆ្កួតៗតាមចិត្តដែលអ្នកចង់ធ្វើ
មនុស្សដែលSingleភាគច្រើនពួកគេមិនសូវខ្វល់ពីការស្លៀកពាក់ប្រេនៗនិងការតុបតែងខ្លួនខ្លាំងនោះទេ ព្រោះពួកមិនសូវជាខ្វល់ជាមួយនឹងភ្នែកអ្នកជំុវិញខ្លួនប៉ុន្មានទេ។ ពួកគេចូលចិត្តធ្វើអ្វីដែលគិតថាពួកគេនឹងមានសេចក្តីសុខ ហើយអ្វីដែលអាចធ្វើឱ្យពួកគេសប្បាយចិត្តខ្លាំងនោះគឺការញុាំ ។