វ៉ាស៊ីនតោន៖ អគ្គព្រះរាជអាជ្ញាអាមេរិក លោក William Barr បានប្រាប់ទៅកាសែត AP នៅថ្ងៃទី ១ ខែធ្នូ ថា ក្រសួងមិនបានរកឃើញការលួចបន្លំសន្លឹកឆ្នោត ដែលអាចយកធ្វើជាភស្តុតាងគ្រប់គ្រាន់ ដើម្បីលុបចោលលទ្ធផលសន្លឹកឆ្នោតនេះទេ ខណៈដែលលោក Trump នៅតែព្យាយាមលើកឡើងថា មានការលួចបន្លំសន្លឹកឆ្នោតនៅក្នុងរដ្ឋសំខាន់ៗដូចជា Georgia Michigan និង Pennsylvania។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមប្រសាសន៍របស់អគ្គមេធាវីអាមេរិកលោក William Barr បានគូសបញ្ជាក់ដូច្នេះថា៖
រហូតមកដល់ពេលនេះ យើងមិនទាន់រកឃើញថាមានការក្លែងបន្លំក្នុងកំរិតណាមួយ ដើម្បីអាចឈានដល់ការលុបចោលលទ្ធផលសន្លឹកឆ្នោត នៅក្នុងការបោះឆ្នោតនោះទេ។
ឆ្លើយតបនឹងសេចក្តីថ្លែងការណ៍នេះ មេធាវី ២រូបរបស់លោក Trump បានលើកឡើងដែរថា៖
ដោយការគោរពចំពោះអគ្គព្រះរាជអាជ្ញា នាយកដ្ឋានយុត្តិធម៌មិនទាន់មានបើការស៊ើបអង្កេតណាមួយនៅឡើយទេ។ ពួកគេនឹងបន្តស្វែងរកការពិតតាមរយៈប្រព័ន្ធតុលាការ និងនីតិកាលរបស់រដ្ឋ។
គួរបញ្ជាក់ផងដែរថា ប្រធានាធិបតីជាប់ឆ្នោត គឺលោក Joe Biden នឹងត្រូវបានកំណត់ឱ្យចូលកាន់តំណែងជាប្រធានធិបតីអាមេរិកផ្លូវការ នៅថ្ងៃទី ២០ ខែមករា ខាងមុខ៕
Bong I.T