​ក្រុមហ៊ុនផលិតឱសថចំនួន២ ​ស្នើសុំទៅសហភាពអឺរ៉ុប សម្រាប់ការអនុម័តលើវ៉ាក់សាំងកូវីដ១៩

បរទេស៖  ក្រុមហ៊ុនឱសថអាមេរិក Pfizer និង ដៃគូអាល្លឺម៉ង់ BioNtech បានដាក់ពាក្យដាក់សំណើទៅទីភ្នាក់ងារវាយតម្លៃថ្នាំ​សហភាពអឺរ៉ុប (EMA) ដើម្បី​សុំ​ការអនុម័តលើវ៉ាក់សាំង​កូវីដ១៩ ដែលក្រុមហ៊ុនទាំង២ នេះ កំពុង​​ផលិត​ឡើង​ ដោយអះអាងថាវាមានប្រសិទ្ធភាព​ ៩៥%។

យោងតាមសេចក្តីថ្លែងការណ៍បាន​ឱ្យដឹងថា ប្រសិនបើមានការយល់ព្រមពី EMA នោះវ៉ាក់សាំងរបស់ក្រុមហ៊ុន Pfizer និង BioNTech អាចចូលក្នុងទីផ្សារអឺរ៉ុបនៅចុងឆ្នាំ ២០២០ នេះ។  បន្ថែមពីនេះ លោក Albert Bourla នាយកប្រតិបត្តិក្រុមហ៊ុនឱសថ Pfizer បានមានប្រសាសន៍ដូច្នេះថា៖

គួរបញ្ជាក់ផងដែរថា មកទល់ពេលនេះ ការផ្ទុះឡើងនូវជំងឺរាតត្បាតកូវីដ១៩ បានចម្លងមនុស្ស ក្នុងពិភពលោកជាសរុបមានចំនួន ៦៣​ លាននាក់​ និងសម្លាប់មនុស្សអស់ ១.៤លាននាក់។ ហើយក្រុមហ៊ុន Pfizer និង BioNTech មានគម្រោងផលិតវ៉ាក់សាំងរហូតដល់ ៥០លានដូស ទូទាំងពិភពលោកនៅឆ្នាំនេះ  បន្ទាប់មកបង្កើនចំនួននេះដល់ ១.៣ ពាន់លានដូសនៅចុងឆ្នាំ ២០២១៕