សម្តេចនាយករដ្ឋមន្ត្រី ហ៊ុន សែន នៅថ្ងៃ ៣០វិច្ឆិកានេះ បានបញ្ចេញសារជាសំឡេងតាមតេលេក្រាម ដោយប្រាប់អ្នកពាក់ព័ន្ធនឹងព្រឹត្តិការណ៍ ២៨វិច្ឆិកាថា ត្រូវចាត់ទុកខ្លួនឯង «អាចមានកូវីដ១៩» ប្រសើរជាងចាត់ទុកថា «ប្រហែលអត់»។ សង្កត់ធ្ងន់បែបនេះដោយ នាយករដ្ឋមន្ត្រីលើកឡើងដើម្បីឆ្លើយនឹងសំនួរថា «តើអ្នកពាក់ព័ន្ធគួរទៅធ្វើតេស្តដែរឬទេ?»
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសម្តេច ហ៊ុន សែន៖ «សុខចិត្តយកសំណាក! សុខចិត្តធ្វើចត្តាឡីស័ករយៈពេល ១៤ថ្ងៃ ប្រសើរជាងគិតថា ខ្លួនឯងប្រហែលជាគ្មានការឆ្លងនោះទេ! ធ្វើបែបនេះដើម្បីធានាសុវត្ថិភាពខ្លួនឯងផង និងអ្នកជុំវិញខ្លួនផង។ ដូច្នេះ ខ្ញុំសូមអំពាវនាវដោយទទូចថា ត្រូវចាត់ទុកថា “យើងអាចមាន” ប្រសើរជាងចាត់ទុកថា “យើងអាចគ្មាន”។»
សូមរំឭកថា មុនការបញ្ជាក់ពីនាយករដ្ឋមន្ត្រី ក្រសួងសុខាភិបាល បានប្រកាសពីលទ្ធផលតេស្តវិជ្ជមាន ៨ករណីបន្ថែមទៀតពីព្រឹត្តិការណ៍សហគមន៍ ២៨វិច្ឆិកា ដែលធ្វើឲ្យចំនួនសរុបឡើងដល់ ១៤នាក់ រីឯលទ្ធផល ២២៣៤នាក់អវិជ្ជមាន។
ករណីថ្មី ៨នាក់នេះ គឺមានភរិយាអនុប្រធាននាយកដ្ឋានពន្ធនាគារនៃក្រសួងមហាផ្ទៃ ភរិយារបស់មន្ត្រីនាយកដ្ឋានព័ត៌មាននៃក្រសួងមហាផ្ទៃ ម្តាយមីងរបស់អ្នកជំងឺ ក្មួយប្រុស គ្រួសារអ្នកបើកបរ និងអ្នកពាក់ព័ន្ធនឹងអ្នកជំងឺ។
គិតមកទល់ថ្ងៃ ៣០វិច្ឆិកានេះ កម្ពុជាមានករណីកូវីដ ១៩ ចំនួន ៣២៣នាក់ និងសះស្បើយ ៣០១៕