Man UTD កំពុងពិចារណាដាក់សំណើតាមផ្ទេរយកអតីតតារាឆ្នើមរបស់ខ្លួនរូបនេះមករួមក្រុមវិញ

បរទេស៖ បើតាមគេហទំព័រ The Sun បានឲ្យដឹងថាក្លិប​បិសាចក្រហម Manchester United កំពុងតែពិចារណាដាក់សំណើតាមផ្ទេរយកអតីតខ្សែការពារឆ្នើមរបស់ខ្លួនកីឡាករ Jonny Evans មករួមក្រុមវិញនៅទីផ្សារដោះដូរខែមករាខាងមុខនេះ។​

ជាក់ស្តែងកីឡាករវ័យ៣២ឆ្នាំរូបនេះនៅសល់កុងត្រាជាមួយក្លិប Leicester City តែមួយរដូវកាលនេះទៀតប៉ុណ្ណោះ។ ហើយប្រសិនបើក្លិបលោក Ole Gunnar Solskjær សម្រេចចិត្តចរចាទិញយករូបគេមកកាន់ទឹកដី Old Trafford វិញនៅដើមឆ្នាំក្រោយនេះមែននោះ Leicester អាចនឹងទាមទារតម្លៃខ្លួនរូបគេប្រមាណ១០លានអឺរ៉ូ (ឬ១២លានដុល្លារ)។

គួររម្លឹកដែរថា Jonny Evans ធ្លាប់លេងឲ្យ Man UTD ក្នុងកំឡុងឆ្នាំ២០០៦ដល់២០១៥ ដោយបង្ហាញខ្លួនសរុបបាន១៩៨ប្រកួត និងលើកពាន Premier League បាន៣លើកផងដែរ៕

ប្រភព៖ sportsmole