ទួកគី៖ យោងតាមការចុះផ្សាយរបស់សារពត៌មាន AlJazeera បានឱ្យដឹងថា តុលាការតួកគីបានសម្រេចកាត់ទោសដាក់ពន្ធនាគារអស់មួយជីវិត ដល់អតីតពីឡុតចំនួន ៣៣៧នាក់ និងជនជាប់ចោទដទៃទៀត ពីបទរៀបចំផែនការប៉ុនប៉ងធ្វើរដ្ឋប្រហារផ្តួលរំលំប្រធានាធិបតីលោក Recep Tayyip Erdogan មិនបានសម្រេចកាលពី ៤ឆ្នាំមុន ដែលធ្វើឱ្យមនុស្សជាង ២៥០នាក់ ត្រូវបានគេសម្លាប់ក្នុងប្រតិបត្តិការផ្តួលរំលំនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជនជាប់ចោទជាង ៥០០នាក់ ត្រូវបានតុលាការចោទប្រកាន់ពីបទប៉ុនប៉ងផ្តួលរំលំរដ្ឋាភិបាលនៅថ្ងៃទី ១៥ ខែកក្កដា ឆ្នាំ ២០១៦ ចេញពីមូលដ្ឋានទ័ពអាកាសក្បែររាជធានី អង់ការ៉ា។ ការជំនុំជម្រះក្តីទៅលើហេតុការណ៍នេះ គឺជារឿងក្ដីជំពាក់ជំពិនគ្នារាប់សិបករណី ផ្តោតទៅលើមនុស្សរាប់ពាន់នាក់ ដែលត្រូវបានតុលាការចោទប្រកាន់ពីបទពាក់ព័ន្ធនឹងការប៉ុនប៉ងធ្វើរដ្ឋប្រហារ។ ជនជាប់ចោទសរុបចំនួន ៤៧៥នាក់ត្រូវបានយកទៅជំនុំជម្រះ ក្នុងនោះ ៣៦៥នាក់ ត្រូវបានឃុំខ្លួន។
នៅក្នុងចំណោមជនជាប់ទោសប្រហារជីវិតចំនួន ៣៣៧នាក់ និងជនជាប់ចោទដទៃទៀតចំនួន ២៩១នាក់ ក៏ត្រូវបានតុលាការកាត់ទោសទណ្ឌកម្មធ្ងន់ធ្ងរបំផុតដែរ ។ អតីតមេបញ្ជាការកងទ័ពអាកាសលោក Akin Ozturk និងជនជាប់ចោទផ្សេងទៀត នៅឯមូលដ្ឋានទ័ពអាកាស អាគីនស៊ី ក្បែររាជធានីអង់ការ៉ា ក៏ត្រូវបានតុលាការចោទប្រកាន់ពីបទដឹកនាំរដ្ឋប្រហារ ទម្លាក់គ្រាប់បែកលើអគាររដ្ឋាភិបាល រួមទាំងសភា និងប៉ុនប៉ងសម្លាប់លោក Erdogan ផងដែរ ។
គួរជម្រាបថា នៅក្នុងយប់នៃការធ្វើរដ្ឋប្រហារនោះ អតីតមេបញ្ជាការយោធារបស់តួកគី ដែលបច្ចុប្បន្នជារដ្ឋមន្រ្តីក្រសួងការពារជាតិលោក Hulusi Akar និងមេបញ្ជាការដទៃទៀត ត្រូវបានគេឃុំឃាំងអស់រយៈពេលជាច្រើនម៉ោងនៅឯមូលដ្ឋានទ័ព។ លើសពីនេះ មេក្រុមបះបោរចំនួន ៤នាក់ ដែលទាក់ទងនឹងបណ្តាញរបស់លោក Gulen ក៏ត្រូវបានផ្តន្ទាទោសឲ្យជាប់ពន្ធនាគាររយៈពេល ៧៩ឆ្នាំ ពីបទប៉ុនប៉ងធ្វើឃាតប្រធានាធិបតី និងបទស្វែងរកការផ្តួលរំលំបទបញ្ជារដ្ឋធម្មនុញ្ញ ខណៈមនុស្សរាប់សិបនាក់ទៀត ត្រូវបានតុលាការដោះលែង៕