បរទេស៖ ទីភ្នាក់ងារព័ត៌មានរ៉យទ័របានរាយការណ៍ថា ក្រុមហ៊ុន Apple បានស្នើសុំឱ្យក្រុមហ៊ុន Foxconn ដែលជាអ្នកផ្គត់ផ្គង់របស់ខ្លួន ឱ្យប្តូរការផលិតមួយចំនួនរបស់ iPad និង MacBook ទៅកាន់ប្រទេសវៀតណាម។ រោងចក្រតម្លើងរបស់ Foxconn ក៏គ្រោងនឹងចាប់ផ្តើមផលិតនៅពាក់កណ្តាលឆ្នាំក្រោយ នៅឯខេត្ត Bac Gaing ប្រទេសវៀតណាមផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមហ៊ុន Apple ចង់ផ្លាស់ប្តូរខ្សែរយៈផ្គត់ផ្គង់របស់ខ្លួន ដោយសារតែជម្លោះពាណិជ្ជកម្មរវាងសហរដ្ឋអាមេរិកនិងចិន។ មិនមានការបញ្ជាក់ណាថាតើម៉ូឌែល iPad ឬ Mac ណាមួយដែលត្រូវតម្លើងនៅប្រទេសវៀតណាម ហើយក៏មិនដឹងថាទំហំសរុបនៃការផលិតរបស់ Apple នឹងផ្លាស់ប្តូរចេញពីប្រទេសចិនមានទំហំប៉ុណ្ណាឡើយ។
Foxconn គ្រោងនឹងវិនិយោគទឹកប្រាក់ចំនួន២៧០លានដុល្លារ នៅប្រទេសវៀតណាម ដើម្បីពង្រីកការផលិតរបស់ខ្លួន។ ក្រុមហ៊ុនតៃវ៉ាន់មួយនេះត្រូវបានគេនិយាយថា កំពុងផ្លាស់ប្តូរជាង ៣០ភាគរយនៃខ្សែសង្វាក់ផលិតកម្មរបស់ខ្លួនចេញពីប្រទេសចិន៕