បាងកក៖ បាតុករថៃជាង ១ម៉ឺននាក់ បានធ្វើបាតុកម្មនៅមុខធនាគារពាណិជ្ជកម្ម (SCB) ដើម្បីស្នើសុំការស៊ើបអង្កេតលើទ្រព្យសម្បត្តិ និងការចំណាយរបស់ស្តេចថៃ ព្រះបាទ King Vajiralongkorn ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបាតុកម្មនេះបានធ្វើឡើងចាប់ពីម៉ោងប្រមាណ ១៥នាទីល្ងាច កាលថ្ងៃទី ២៥ ខែវិច្ឆិកា នៅខាងក្រៅទីស្នាក់ការកណ្តាលរបស់ធនាគារពាណិជ្ជសៀម SCB ភាគខាងជើងទីក្រុងបាងកកដោយបង្កឱ្យមានការស្ទះផ្លួវ។ ទីស្នាក់ការកណ្តាលរបស់ SCB នៅទីក្រុងបាងកកត្រូវបានបិទ ប៉ុន្តែតាមសាខាផ្សេងៗនៅតែបើកដំណើរការ។
ការធ្វើបាតុកម្មឡើង គឺដើម្បីស្នើសុំការស៊ើបអង្កេតលើទ្រព្យសម្បត្តិ និងការចំណាយរបស់ស្តេចថៃ។ ប៉ុន្តែផ្ទុយមក ក្រុមប៉ូលិសបានធ្វើរបងព័ទ្ធជុំវិញតំបន់ធនាគារ CBP ដោយប្រើរបងបេតុង និងលួសបន្លា។ ក្រុមបាតុករត្រូវបានគេព្រមានមិនឱ្យចូលក្នុងជួរ ១៥០ ម៉ែត្រជុំវិញ CBP ។
គួរបញ្ជាក់ថា ក្រុមបាតុករថៃបានធ្វើបាតុកម្មនេះអស់រយៈពេលរាប់ខែមកហើយ ក្នុងគោលបំណងដើម្បីទាមទារសិទ្ធមួយចំនួនដូចជា ការផ្លាស់ប្តូររដ្ឋធម្មនុញ្ញ ឬការកែទម្រង់របបរាជានិយម៕