ស្នេហ៍ខុសជំនាន់! ស្ត្រីវ័យ៦៤ឆ្នាំ និងស្វាមីវ័យ២៨ឆ្នាំ នៅតែល្អូកល្អើននឹងគ្នា បន្ទាប់ពីរៀបការហើយបានជាង២ឆ្នាំមកនេះ

វៀតណាម៖ កាលពីថ្មីៗនេះ ស្ត្រីម្នាក់វ័យ៦៤ឆ្នាំ រស់នៅក្នុងប្រទេសវៀតណាម បានអបអរខួបអាពាហ៍ពិពាហ៍ជាមួយនឹងស្វាមីវ័យ២៨ឆ្នាំ បន្ទាប់ពីរៀបអាពាហ៍ពិពាហ៍រួចកាលពីឆ្នាំ២០១៨កន្លងទៅ។

តាមប្រភពព័ត៌មានបានឲ្យដឹងថា អ្នកស្រី Hoa Cuong Thu Sao មានកូនស្រីចំនួនពីរនាក់ជាមួយនឹងអតីតស្វាមី ហើយបន្ទាប់ពីអតីតស្វាមីលាចាកលោកទៅអស់រយៈពេលជិត៨ឆ្នាំ អ្នកស្រីក៏បានសម្រេចចិត្តរៀបអាពាហ៍ពិពាហ៍ម្ដងទៀត ជាមួយនឹងបុរសដ៏វ័យក្មេង ដែលមានអាយុអាចធ្វើជាកូនប្រុសបាន។ ចំពោះអាពាហ៍ពិពាហ៍ខុសវ័យនេះ បានធ្វើឲ្យមហាជននៅលើបណ្ដាញសង្គមមានការភ្ញាក់ផ្អើល និងរិះគន់យ៉ាងខ្លាំងផងដែរ។ ហើយបើទោះជាយ៉ាងណាក៏ដោយ ក៏ស្នេហារបស់អ្នកស្រី នៅតែមានភាពផ្អែមល្ហែម និងអាចរក្សាបានមកទល់សព្វថ្ងៃនេះ ដោយគេសង្កេតឃើញថា អ្នកស្រីតែងតែបង្ហោះជារូបភាព និងឡាយវីដេអូលក់ផលិតផលជាមួយស្វាមី នៅលើបណ្ដាញសង្គមជារើយៗ។

យ៉ាងណាមិញ បន្ទាប់ពីរៀបអាពាហ៍ពិពាហ៍រួច អ្នកស្រីបានទៅកែសម្ផស្ស ដោយចំណាយអស់ទឹកប្រាក់ជាង១០០លានដុង (ប្រមាណ៤,៣៣០ដុល្លារអាមេរិក) ហើយមូលហេតុដែលជំរុញឲ្យអ្នកស្រីកែសម្ផស្ស គឺដោយសារអ្នកស្រីគិតថា ខ្លួនមិនទាន់ស្រស់ស្អាតសម្រាប់ប្ដីនៅឡើយទេ៕

សូមទស្សនារូបភាពខាងក្រោម៖