ហាណូយ៖ កាលពីចុងសប្ដាហ៍មុននេះ មានអគ្គិភ័យឆាបឆេះគួរឲ្យភ្ញាក់ផ្អើលមួយ បន្ទាប់ពីបុរសម្នាក់បានគប់ដបសាំងចូលផ្ទះអ្នកជិតខាង ព្រោះតែគាត់ខឹងនឹងអ្នកជិតខាងនោះ ច្រៀងខារ៉ាអូខេឮៗរំខានគាត់ខ្លាំងពេក។ ហេតុការណ៍នេះ បានកើតឡើងនៅវេលាម៉ោង១១:៣០នាទីយប់ថ្ងៃសៅរ៍ ក្នុងឃុំ តាន់ទ្រី ស្រុក ថាញ់ទ្រី ទីក្រុងហាណូយ ប្រទេសវៀតណាម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសាក្សី ដែលបានឃើញហេតុការណ៍ផ្ទាល់បាននិយាយថា ដំបូងឡើយពួកគេបានឃើញបុរសម្នាក់ គប់ដបសាំងចេញពីផ្ទះរបស់គាត់ជាន់ទី៣ ចូលទៅទីធ្លាផ្ទះរបស់អ្នកជិតខាង ហើយដបសាំងបានផ្ទុះបង្កជាអគ្គិភ័យឆាប់ឆេះ ធ្វើឲ្យប៉ះពាល់ដល់ផ្ទះក្បែរៗនោះ និងបណ្ដាញអគ្គិសនីក្នុងតំបន់ផងដែរ។ បន្ទាប់មក បុរសរូបនោះបានចាក់សោទ្វាររបស់គាត់ ហើយចូលទៅសំងំក្នុងផ្ទះរបស់គាត់វិញ ដូចគ្មានរឿងអ្វីកើតឡើងអីចឹង។
យ៉ាងណាមិញ យោងតាមមន្ដ្រីប៉ូលិសក្នុងតំបន់បានឲ្យដឹងថា ជនបង្ករូបនោះមានអាយុ ៦១ឆ្នាំ ហើយក៏មិនមានជំងឺផ្លូវចិត្តអ្វីនោះដែរ។ ប៉ុន្ដែគាត់តែងតែផឹកស្រា ដែលជាហេតុធ្វើឲ្យគាត់ងាយមួម៉ៅក្ដៅក្រហាយបែបនេះ។ ហើយឧបទ្ទវហេតុនេះ អាចកើតចេញពីសំឡេងខារ៉ាអូខេឮៗរបស់អ្នកជិតខាងរបស់គាត់។
ទន្ទឹមនឹងនេះដែរ មនុស្សមួយចំនួនបានរងរបួសរលាកស្រាល ខណៈបុរសដែលជាជនបង្កត្រូវគេបញ្ជូនទៅមន្ទីរពេទ្យ ដោយសារតែរលាកដៃធ្ងន់ធ្ងរ៕
សូមទស្សនារូបភាពខាងក្រោម៖