បរទេស៖ ថ្មីៗនេះ តារាចម្រៀង អាមេរិក Ed Sheeran បានធ្វើការបរិច្ចាគទឹកប្រាក់ដ៏ច្រើនសន្ធឹកសន្ធាប់ ទៅកាន់មន្ទីរពេទ្យមួយកន្លែង ដែលធ្លាប់បានមើលថែរក្សាលោកយាយរបស់ខ្លួនដោយយកចិត្តទុកដាក់ រហូតដល់រូបគាត់បានទទួលមរណភាពផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ដោយសារតែចង់តបស្នងនូវប្រឹងប្រែងរបស់សំណាក់ក្រុមគ្រូពេទ្យនិង បុគ្គលិកទាំងអស់ដែលបានបម្រើការនៅក្នុងមន្ទីរពេទ្យ Aldeburgh Hospital League of Friends តារាប្រុសរូបនេះបានបរិច្ចាកទឹកប្រាក់ ១៣,២៨៥ ដុល្លារសហរដ្ឋអាមេរិក ដើម្បីជួយដល់គម្រោងអភិវឌ្ឍសួនច្បារ នៅក្នុងបរិវេណមន្ទីរពេទ្យបន្ថែមផងដែរ។
រហូតមកទល់ពេលនេះ Ed Sheeran ក៏នៅតែនឹកដល់ជីដូនខ្លាំង ប៉ុន្តែនៅតែគិតថាខ្លួនមានសំណាង ដោយសារតែបានមកសួរសុខទុក្ខស្ទើរតែជារៀងរាល់ថ្ងៃ នៅក្នុងពេលវេលាចុងក្រោយ ដោយកំឡុងពេលនោះ តារាប្រុសរូបនេះក៏បានរាប់អានបុគ្គលិកមន្ទីរពេទ្យ ជាមិត្តភក្តិរហូតមកទល់សព្វថ្ងៃនេះតែម្តង រហូតដល់ឆ្នាំ២០១៧ លោកក៏បានចេញបទចម្រៀង Supermarket Flowers ដែល សរសេររៀបរាប់ពីលោកយាយរបស់ខ្លួន កាលនៅរស់ផងដែរ។
យ៉ាងណាមិញក្រៅពីនេះ លោកក៏បានបង្កើតមូលនិធិតាមគេហទំព័រអុីនធើណែតThe Framlingham Foundation Trust ដើម្បីរៃអង្គាសទឹកប្រាក់តាមរយៈសប្បុរសជន ជួយទៅកាន់រងគ្រោះដោយសារវីរុសកូវីដ១៩ នៅSuffolk ដែលខណៈពេលនេះទឹកប្រាក់បានសរុប ៦៦៤,២៩២ ដុល្លារសហរដ្ឋអាមេរិក៕