ប្រេស៊ីល៖ សហព័ន្ធកីឡាបាល់ទាត់ប្រេស៊ីល (CBF) បាននិយាយកាលពីថ្ងៃសៅរ៍ថា តារាបាល់ទាត់នារីនាង Marta នឹងខកខានការប្រកួតមិត្តភាពរវាងក្រុមជម្រើសជាតិប្រេស៊ីលជាមួយនឹងក្រុមអេក្វាឌ័រ បន្ទាប់ពីបានធ្វើតេស្ត​វិជ្ជមាន​ជំងឺ COVID-១៩ ។

យោងតាមសេចក្តីថ្លែងការណ៍របស់ CBF បានអោយដឹងថាអ្នកឈ្នះពានរង្វាន់កីឡាការនីឆ្នើមប្រចាំឆ្នាំរបស់ FIFA ចំនួន ៦ លើករូបនេះ ត្រូវបានគេបញ្ជាអោយស្នាក់នៅដាច់ដោយឡែកដោយខ្លួនឯង ហើយនឹងស្ថិតនៅក្រោមការត្រួត​ពិនិត្យ​ផ្នែកវេជ្ជសាស្ត្រផងដែរ។

កីឡាការនី Marta ពេលទទួលេពានកីឡាការនីល្អបំផុតប្រចាំឆ្នាំ

សេចក្តីថ្លែងការណ៍នោះបានសរសេរថា៖ “ ផ្នែកវេជ្ជសាស្ត្ររបស់ក្រុមជម្រើសជាតិស្ត្រីបានផ្សព្វផ្សាយ​លទ្ធផលនៃ​ការធ្វើតេស្តនេះ ទៅកាន់ក្លឹប Orlando Pride ហើយនឹងផ្តល់ជំនួយចាំបាច់ទាំងអស់ផងដែរ” ។

ភ្លាមនោះខ្សែការពារវ័យជំទង់របស់ក្លឹប Kindermann កីឡាការនី Camila Silva ដែលជាសមាជិកនៃក្រុមជម្រើស​ជាតិប្រេស៊ីលក្រោមអាយុ ២០ ឆ្នាំត្រូវបានកោះហៅដើម្បីជំនួសកីឡាការនីវ័យ ៣៤ ឆ្នាំរូបនេះ។

គួរបញ្ជាក់ផងដែរថា ក្រុមជម្រើសជាតិប្រេស៊ីលនឹងត្រូវជួបប្រកួតជាមួយក្រុមអេក្វាឌ័រនៅ Sao Paulo នាថ្ងៃទី ២៧ ខែវិច្ឆិកា និងថ្ងៃទី ១ ធ្នូ ឆ្នាំ២០២០ នេះ៕

កីឡាការនី Camila Silva
កីឡាការនី  Marta
កីឡាការនី Marta និង សមាជិកក្រុម
កីឡាការនី Marta

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]