ប្រេស៊ីល៖ សហព័ន្ធកីឡាបាល់ទាត់ប្រេស៊ីល (CBF) បាននិយាយកាលពីថ្ងៃសៅរ៍ថា តារាបាល់ទាត់នារីនាង Marta នឹងខកខានការប្រកួតមិត្តភាពរវាងក្រុមជម្រើសជាតិប្រេស៊ីលជាមួយនឹងក្រុមអេក្វាឌ័រ បន្ទាប់ពីបានធ្វើតេស្តវិជ្ជមានជំងឺ COVID-១៩ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសេចក្តីថ្លែងការណ៍របស់ CBF បានអោយដឹងថាអ្នកឈ្នះពានរង្វាន់កីឡាការនីឆ្នើមប្រចាំឆ្នាំរបស់ FIFA ចំនួន ៦ លើករូបនេះ ត្រូវបានគេបញ្ជាអោយស្នាក់នៅដាច់ដោយឡែកដោយខ្លួនឯង ហើយនឹងស្ថិតនៅក្រោមការត្រួតពិនិត្យផ្នែកវេជ្ជសាស្ត្រផងដែរ។
សេចក្តីថ្លែងការណ៍នោះបានសរសេរថា៖ “ ផ្នែកវេជ្ជសាស្ត្ររបស់ក្រុមជម្រើសជាតិស្ត្រីបានផ្សព្វផ្សាយលទ្ធផលនៃការធ្វើតេស្តនេះ ទៅកាន់ក្លឹប Orlando Pride ហើយនឹងផ្តល់ជំនួយចាំបាច់ទាំងអស់ផងដែរ” ។
ភ្លាមនោះខ្សែការពារវ័យជំទង់របស់ក្លឹប Kindermann កីឡាការនី Camila Silva ដែលជាសមាជិកនៃក្រុមជម្រើសជាតិប្រេស៊ីលក្រោមអាយុ ២០ ឆ្នាំត្រូវបានកោះហៅដើម្បីជំនួសកីឡាការនីវ័យ ៣៤ ឆ្នាំរូបនេះ។
គួរបញ្ជាក់ផងដែរថា ក្រុមជម្រើសជាតិប្រេស៊ីលនឹងត្រូវជួបប្រកួតជាមួយក្រុមអេក្វាឌ័រនៅ Sao Paulo នាថ្ងៃទី ២៧ ខែវិច្ឆិកា និងថ្ងៃទី ១ ធ្នូ ឆ្នាំ២០២០ នេះ៕