អឺរ៉ុប៖ ក្លិបញញួរយក្ស West Ham United ត្រូវបានគេរាយការណ៍មកថា បានចូលរួមប្រជែងជាមួយក្លិបធំៗនៅ Premier League ប្រមាញ់យកខ្សែបម្រើក្រុមសេះបង្កង់ Juventus កីឡាករ Sami Khedira។
ខ្សែបម្រើដែលសំបូរបទពិសោធន៍ រូបនេះអាចនឹងចាកចេញពី Juventus នៅរដូវក្ដៅឆ្នាំក្រោយ ដោយគ្មានតម្លៃខ្លួន ពោលគឺនៅពេលកុងត្រារបស់គេផុតកំណត់នាខែមិថុនា ឆ្នាំ២០២១ ក្រោយមិនស្ថិតក្នុងគម្រោងប្រើប្រាស់របស់លោក Andrea Pirlo។
Khedira វ័យ៣៣ឆ្នាំ មិនត្រូវបានលោក Pirlo បញ្ចូលឈ្មោះក្នុងក្រុម ទៅលេងនៅព្រឹត្តិការណ៍ Champions League ឡើយ ដោយឡែកបើនៅក្របខ័ណ្ឌ Serie A វិញ ខ្សែបម្រើសញ្ជាតិអាល្លឺម៉ង់ ក៏មិនទាន់បានចូលលេងសូម្បីតែម្ដងនៅរដូវកាលនេះ។
ទន្ទឹមនឹង Khedira ជិតចែកផ្លូវគ្នាជាមួយ Juventus ខ្សែបម្រើរូបនេះ ចាប់ផ្ដើមមានដំណឹងចចាមអារាម ពាក់ព័ន្ធនឹងការផ្លាស់ទៅក្លិបបិសាចក្រហម Manchester United និងក្លិបមាន់ខ្នាយមាស Tottenham Hotspur។
ជាមួយគ្នានេះ បើយោងតាមរបាយការណ៍របស់កាសែត Sportmediaset ក្រៅពីក្លិបធំៗទាំងពីខាងលើនៅ Premier League ក្លិប West Ham ក៏កំពុងតាមដានយ៉ាងយកចិត្តទុកដាក់ចំពោះស្ថាន Khedira ជាមួយ Juventus ផងដែរ។
ហើយសម្រាប់ Khedira ផ្ទាល់ក៏មានបំណងចង់ផ្លាស់ទៅលេងនៅលីគកំពូលអង់គ្លេស ដោយរូបគេបានលើកឡើងប្រាប់កាសែត Sky Germany យ៉ាងដូច្នេះថា៖
ប្រភព៖: thesun
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
