ឥណ្ឌា៖ បុរសជនជាតិអង់គ្លេសម្នាក់ កំពុងស្ថិតក្រោមការព្យាបាលយ៉ាងយកចិត្ដទុកដាក់នៅឯមន្ទីរពេទ្យមួយក្នុងប្រទេសឥណ្ឌា បន្ទាប់ពីត្រូវពស់ចឹកបណ្ដាលឲ្យពិការភ្នែក ខណៈពេលលោកក៏កំពុងសម្រាកព្យាបាលជំងឺកូវីដ-១៩ ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជុំវិករណីនេះ ក្រុមគ្រួសាររបស់លោក Ian Jones បានឲ្យដឹងថា ហេតុការណ៍គួរឲ្យតក់ស្លុតនេះ គឺបានកើតនៅទីក្រុង Jodhpur រដ្ឋ Rajasthan ប្រទេសឥណ្ឌា ជាកន្លែងដែលលោកបានផ្លាស់មករស់នៅអស់រយៈពេលជាច្រើនខែមកហើយ ដោយបានបង្កើតសមាគមន៍សប្បុរសធម៌មួយឈ្មោះ Sabirian ក្នុងគោលបំណងជួយប្រជាជនក្រីក្រ។
តែទោះជាយ៉ាងណា ក្រុមគ្រួសាររបស់អតីតបុគ្គលិកផ្នែកថែទាំសុខភាពរូបនេះ សង្ឃឹមថាពិការភាពនេះនឹងអាចជាសះស្បើយវិញ។ ក្នុងនោះដែរ កូនប្រុសរបស់លោក Jones ក៏បានឲ្យដឹងដែរថា ឪពុករបស់គេធ្លាប់កើតជំងឺគ្រុនចាញ់ គ្រុនឈាម និងជំងឺកូវីដ-១៩ ប៉ុន្ដែគាត់នៅតែតាំងចិត្ដជ្រកកោនក្នុងប្រទេសនេះ ដើម្បីបន្ដការងារសប្បុរសធម៌របស់គាត់។
បច្ចុប្បន្ននេះ លោក Jones អាចនឹងត្រូវចំណាយពេលយូរទៀត ក្នុងការព្យាបាលឲ្យជាសះស្បើយ ហើយក្រុមគ្រួសាររបស់លោក រួមទាំងម្ចាស់សមាគមន៍ Sabirian ក៏បានបង្កើតមូលនិធិ ដើម្បីរៃអង្គាសថវិកាសម្រាប់ចំណាយលើថ្លៃព្យាបាលរបស់លោកផងដែរ៕
សូមទស្សនារូបភាពខាងក្រោម៖