អង់គ្លេស៖ អស់រយៈពេល១ឆ្នាំហើយដែលលោក Jose Mourinho ចូលមកដឹកនាំ Tottenham Hotspur ជំនួសលោក Mauricio Pochettino ប៉ុន្តែក្លិបមួយនេះទើបតែឡើងជើងខ្លាំងក្នុងកំឡុងពេលប៉ុន្មានខែចុងក្រោយនេះប៉ុណ្ណោះ។
ដោយឡែកក្រោយខ្ចីជើង Gareth Bale បានពី Real Madrid លោក Jose Mourinho មានគម្រោងដាក់សំណើតាមទិញយកខ្សែការពារឆ្នើមរបស់ក្លិបយក្សអេស៉្បាញមួយនេះម្នាក់ទៀតគឺកីឡាករវ័យ៣៤ឆ្នាំ Sergio Ramos ។ ជាក់ស្តែងមិនមែនមានតែ Spurs មួយនោះទេដែលចង់បានរនាំងការពាររូបនេះមករួមក្រុម ពោលនៅមានក្លិបធំៗនៅ Premier League ផ្សេងទៀតក៏ចង់បានរូបគេផងដែរ មានដូចជា Arsenal, Manchester United, Manchester City, Chelsea និង Liverpool ជាដើម។
គួរបញ្ជាក់ដែរថាកុងត្រារបស់ Ramos ជាមួយ Real Madrid នៅសល់តែមួយរដូវកាលនេះទៀតប៉ុណ្នោះ ហើយប្រសិនបើគ្មានកិច្ចព្រមព្រៀងណាមួយជុំវិញការបន្តកិច្ចសន្យានោះទេ រូបគេនឹងត្រូវចេញពីក្លិបដោយគ្មានតម្លៃខ្លួននៅចុងរដូវកាល២០២០/២១នេះ។ ក្នុងនោះដែរក្លិបដែលដឹកនាំដោយលោក Zinedine Zidane ក៏អាចមានឱកាសប្រមូលទុនចូលក្លិបបានខ្លះផងដែរ ប្រសិនបើសម្រេចចិត្តដាក់លក់រូបគេនៅទីផ្សារដោះដូរខែមករាខាងមុខនេះ៕
ប្រភព៖: givemesport
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
