វាគឺជាការពិតដែលមនុស្សស្ទើរតែគ្រប់គ្នាសុទ្ធតែធ្លាប់និយាយដើមគេ។ ហើយការនិយាយដើមគេអាចធ្វើអោយមានភាពរីករាយ និងគួរឱ្យចាប់អារម្មណ៍ មិនថាជាបុរស ឬស្ត្រីទេ។ ការនិយាយដើមគេណាដែលមិនធ្វើអោយប៉ះពាល់ដល់ខ្លួនឯង គឺនាំអោយមានសុខភាពល្អ។ នេះជាហេតុផល ៦ យ៉ាងដែលការនិយាយដើមគេអាចល្អសម្រាប់អ្នក៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស1. បំបាត់នូវភាពតប់ប្រមល់ ឬស្ត្រេស
ការនិយាយដើម គឺជាសកម្មភាពរីករាយ និងគួរឱ្យចាប់អារម្មណ៍អ្នកទទួលបានព័ត៌មានថ្មីៗអំពីមនុស្សនៅជុំវិញអ្នក មនុស្សដែលអ្នកចូលចិត្ត ហើយភាគច្រើននិយាយអំពីមនុស្សដែលអ្នកមិនចូលចិត្ត។ ការនិយាយដើមគេផ្តោតលើការទទួល និងចែករំលែកព័ត៌មានថ្មីៗ ហើយអ្នកទំនងអាចជាភ្លេចអំពីបញ្ហា និងភាពតានតឹងរបស់អ្នកជាបណ្តោះអាសន្ន។ ហេតុដូច្នេះការនិយាយដើមគេ ជាសកម្មភាពលុបបំបាត់ភាពធុញថប់។
2. ស្គាល់មុខពិតរបស់មនុស្ស
នៅពេលមនុស្សនិយាយដើមគេ រឿងដែលពួកគេនិយាយអាចពិត ឬមិនពិត ប៉ុន្តែការពិតដែលយើងដឹងអំពីមនុស្សអាចជាជំនួយដ៏អស្ចារ្យ និងធ្វើឱ្យយើងយល់កាន់តែច្បាស់។ យើងស្គាល់កាន់តែច្បាស់អំពីមនុស្សផ្សេងទៀតដែលយើងមិនស្គាល់ច្បាស់។
3. កម្ចាត់នូវភាពអវិជ្ជមាន
ការនិយាយដើមធអំពីរឿងល្អ គឺជាសកម្មភាពដ៏រីករាយមួយដើម្បីលុបរាល់គំនិត និងអារម្មណ៍អវិជ្ជមានចេញពីក្នុងចិត្តរបស់អ្នក និងបង្កើតបរិយាកាសល្អៗ ដោយបន្ថែមការលេងសើចចំពោះការនិយាយដើម។ វាធ្វើឱ្យអ្នកសើច និងបន្ធូរអារម្មណ៍ផ្លូវចិត្តដោយខ្លួនឯង។
4. ធ្វើឱ្យអ្នកសប្បាយចិត្ត
ការនិយាយដើមគេ ជាការលេងសើចគួរឱ្យចង់សើច និងអាចជារឿងគួរឱ្យអស់សំណើចនៅពេលខ្លះ។ ការនិយាយដើមគេអាចធ្វើឱ្យអារម្មណ៍របស់អ្នកធូរស្រាល និងរីករាយ។ អ្នករីករាយនឹងការនិយាយដើមជាមួយមនុស្សជិតស្និទ្ធរបស់អ្នក និងចែករំលែកព័ត៌មានថ្មីៗដោយរីករាយ និងរំភើប។
5. បង្កើតភាពជិតស្និត
នៅពេលមនុស្សនិយាយដើមគេ ធ្វើវាដោយក្តីរំភើប និងការផ្តោតអារម្មណ៍។ យើងចែករំលែកការនិយាយដើមគេ ហើយក៏ត្រូវដឹងពីការនិយាយដើមគេដែលអ្នកដទៃត្រូវចែកចាយផងដែរ។ នៅពេលដែលមនុស្សនិយាយដើមគេ មានប្រធានបទចំណាប់អារម្មណ៍ទូទៅ ឬពួកគេនិយាយអំពីមនុស្សដែលពួកគេមិនចូលចិត្ត ហើយពួកគេមានឱកាសកាន់តែជិត ពោលការនិយាយអំពីរឿងដែលមនុស្សពីរនាក់ចាប់អារម្មណ៍ដូចគ្នា ធ្វើឱ្យពួកគេកាន់តែជិតស្និទ្ធគ្នាឡើង។
6. ជួយឱ្យអ្នកបានបន្ធូរអារម្មណ៍
នៅពេលខ្លះគ្រាន់តែឈប់សម្រាកពីការងារក្នុងពេលអាហារថ្ងៃត្រង់ នៅការិយាល័យរបស់អ្នក អ្នកទំនងជានិយាយដើមមិត្តភក្តិ សាច់ញាតិ មិត្តរួមការងារ និងអ្នកដោយដៃ។ វាជួយអ្នកបានបន្ធូរអារម្មណ៍របស់អ្នក និងបង្កើនថាមពលខួរក្បាល៕