តស៊ូមែន! ប្ដីប្រពន្ធមួយគូ ស្វាគមន៍កូនស្រីលើកដំបូង បន្ទាប់ពីកើតបានសុទ្ធតែកូនប្រុស​ ១៤នាក់ជាប់ៗគ្នា

សហរដ្ឋអាមេរិក៖ នៅទីបំផុត ប្ដីប្រពន្ធមួយគូរស់នៅរដ្ឋមីឈីហ្គែន នៃសហរដ្ឋអាមេរិក បានទទួលស្វាគមន៍កូនស្រីជាលើកដំបូងក្នុងឆាកជីវិត បន្ទាប់ពីព្យាយាមអស់រយៈពេលជាច្រើនឆ្នាំកន្លងមក ប៉ុន្ដែទទួលបានសុទ្ធតែកូនប្រុសជាប់ៗគ្នា។

តាមការចុះផ្សាយរបស់សារព័ត៌មាន Daily Mail បានឲ្យដឹងថា ស្ដ្រីជាម្ដាយមានឈ្មោះ Kateri Schwandt វ័យ៤៥ឆ្នាំ បានផ្ដល់កំណើតកូនស្រី កាលពីថ្ងៃព្រហស្បតិ៍សប្ដាហ៍នេះ ដោយដាក់ឈ្មោះថា Maggie Jayne ដែលមានទម្ងន់ប្រហែល ៣.៤គីឡូក្រាម និងកម្ពស់ប្រមាណ ៥០សង់ទីម៉ែត្រ។ នេះ ជាកូនស្រីទីមួយរបស់នាង ជាមួយនឹងស្វាមីឈ្មោះ Jay វ័យ៤៥ឆ្នាំដូចគ្នា បន្ទាប់ពីកើតបានកូនសុទ្ធតែប្រុស រហូតដល់ទៅ១៤នាក់ឯណោះ។

ប្រភពដដែលបានឲ្យដឹងដែរថា អ្នកស្រី Schwandts ចាប់ផ្ដើមផ្ដល់កំណើតកូន តាំងតែពីវ័យជំទង់មកម្ល៉េះ នៅពេលបានជួបជាមួយលោក Jay កាលនៅជាសិស្សវិទ្យាល័យ ហើយអ្នកទាំងពីរបានរៀបការជាមួយគ្នាក្នុងឆ្នាំ ១៩៩៣ និងមានកូនប្រុសចំនួន៣នាក់ជាមួយគ្នា មុនពេលបញ្ចប់ការសិក្សានៅមហាវិទ្យាល័យ។

យ៉ាងណាមិញ ក្រោយទទួលបានកូនស្រី លោក Jay បាននិយាយថា៖

ជាមួយគ្នានេះដែរ កូនប្រុសច្បងឈ្មោះ Tyler Schwandt វ័យ២៨ឆ្នាំ បានបន្ថែមទៀតថា៖

សូមទស្សនារូបភាពខាងក្រោម៖