ដំណើរកំសាន្តទៅមើលកប៉ាល់ទីតានិក ដែលលិចជាយូរឆ្នាំណាស់មកហើយក្នុងជម្រៅ ៣៨០០ ម៉ែត្រ (១២.៤៦៧ ហ្វីត) ក្រោមផ្ទៃមហាសមុទ្រនោះ ទីបំផុតកំពុងបើកជាសាធារណៈឲ្យអ្នកដែលចង់ទស្សនាហើយ។ ការរៀបចំដំណើរកំសាន្តនេះ ធ្វើឡើងដោយក្រុមហ៊ុន OceanGate។ ប៉ុន្តែដើម្បីទៅមើលបាន អ្នកត្រូវមានលុយ ៩៦ ០០០ ផោន ឬស្មើនឹង ១២៥០០០ដុល្លារ និងចំណាយពេលប្រមាណ ១០ថ្ងៃ ប្រសិនបើអ្នកចង់ឡើងជិះនាវាមុជទឹកនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកដំណើរដែលចូលរួមក្នុងដំណើរទេសចរណ៍ អាចចូលរួមក្នុងបេសកកម្មស្រាវជ្រាវសមុទ្រជ្រៅរួមជាមួយអ្នកជំនាញ និងអ្នកស្រាវជ្រាវផងដែរ។
យ៉ាងណារហូតមកដល់ពេលនេះ មានតែមនុស្សពីរបីរយនាក់ប៉ុណ្ណោះ ដែលបានទៅមើលបំណែកសាកសពនាវានោះ ដែលក្នុងនោះមានអ្នកដឹកនាំរឿង James Cameron ដែលបានមកទស្សនានៅពេលដែលគាត់ដឹកនាំខ្សែភាពយន្តល្បីនៅឆ្នាំ ១៩៩៧ ផ្តោតលើការធ្វើដំណើររបស់កប៉ាល់ដែលលិចមួយនេះ។ ហើយមានមនុស្សបានទៅដល់កំពូលភ្នំអេវឺរេសច្រើនជាងការដែលបានឃើញកប៉ាល់ទីតានិក។
អ្នករៀបចំអះអាងថា ចំនួនសំបុត្រសម្រាប់អ្នកចូលរួមគឺមានតិចណាស់។ មានន័យថានរណាម្នាក់ ដែលចង់ចូលរួម ត្រូវតែឆ្លងកាត់ដំណើរការដាក់ពាក្យសុំ រួមទាំងបទសម្ភាសន៍ជាមួយក្រុមការងារជាមុនសិន។ បេសកកម្មទេសចរណ៍ ២០២១ខាងមុខ នឹងប្រព្រឹត្តទៅនៅចន្លោះខែឧសភាដល់កក្កដា។ ដំណើរទេសចរណ៍ត្រូវគេរៀបចំចំនួន ១០លើក។ ហើយបេសកកម្មខ្លះគ្រោងធ្វើនៅឆ្នាំ ២០២២ ។
គួររំឭកថា កប៉ាល់ទីតានិកដែលដឹកប្រេង បានលិចពេលត្រឡប់មកវិញនៅឆ្នាំ ១៩១២ ដោយសារធ្លាក់ចូលក្នុងផ្ទាំងទឹកកកក្នុងកំឡុងពេលធ្វើដំណើរនៅចន្លោះទីតាំងនៃក្រុង Southampton និងក្រុងញូវយ៉ក។៕