ញូដេលី៖ កាលពីថ្ងៃពុធម្សិលមិញនេះ ប្រទេសឥណ្ឌាបានទទួលជោគជ័យ លើដំណើរការបាញ់សាកល្បងនូវប្រព័ន្ធគ្រាប់រ៉ុក្កែតប្រភេទ Pinaka ដែលជាការអភិវឌ្ឍភាពឱ្យកាន់តែខ្លាំង និងមានប្រសិទ្ធភាពជាងមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រព័ន្ធគ្រាប់រ៉ុក្កែត Pinaka ដែលផលិតឡើង ដោយអង្គការស្រាវជ្រាវ និងអភិវឌ្ឍន៍វិស័យការពារជាតិឥណ្ឌា (DRDO) ត្រូវបានបាញ់សាកល្បង នៅទីតាំងធ្វើតេស្តស្ថិតតាមបណ្តោយឆ្នេរសមុទ្រ Chandipur នៃរដ្ឋ Odisha ដោយទទួលបានលទ្ធផលយ៉ាងប្រសើរបំផុត។
គួរជម្រាបថា ប្រព័ន្ធគ្រាប់រ៉ុក្កែត Pinaka ជំនាន់ថ្មីនេះ អាចបាញ់គោលដៅនៅចម្ងាយ ៤៥ ទៅ ៦០ គីឡូម៉ែត្រ។ ហើយវាគឺជាការកែលម្អបន្ថែម ដើម្បីទៅជំនួសវត្តមាន ប្រព័ន្ធគ្រាប់រ៉ុក្កែតប្រភេទ Pinaka Mk-1 ដែលមានស្រាប់ និងមានសមត្ថភាព អាចបាញ់គោលដៅត្រឹមតែចម្ងាយ ៣៦ គីឡូម៉ែត្រប៉ុណ្ណោះ៕
Bong I.T