បរទេស៖ កម្មវិធី Instagram បន្តផ្ដោតលើការកែលម្អបទពិសោធន៍វីដេអូរបស់ខ្លួន ហើយថ្ងៃនេះវាបានប្រកាសពីការផ្លាស់ប្ដូរតូចៗជាច្រើន ដែលទាក់ទងនឹងការផ្សាយផ្ទាល់នៅលើវេទិកា ហើយបន្ទាប់មករក្សាទុកវីដេអូទាំងនោះកាន់តែងាយស្រួល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការធ្វើបច្ចុប្បន្នភាពដ៏ធំបំផុតគឺថា ការផ្សាយផ្ទាល់មិនបានកំណត់នៅត្រឹមចំនួន៦០នាទីដូចកាលពីមុនទៀតឡើយ ដោយអ្នកប្រើប្រាស់អាចធ្វើការ Live បានរហូតដល់ចំនួន៤ម៉ោង។ រយៈពេលបន្ថែមទាំងនេះនឹងអាចប្រើប្រាស់បាន សម្រាប់អ្នកប្រើប្រាស់ Instagram ទាំងអស់នៅទូទាំងពិភពលោក ដរាបពួកគេមិនមានប្រវត្តិរំលោភបំពានគោលការណ៍កាលពីមុនៗ។
អ្នកប្រើប្រាស់អ្នកអាចធ្វើការទស្សនាការ Live របស់ខ្លួនឡើងវិញជាលក្ខណៈឯកជននៅក្នុងកន្លែងទុកវីដេអូ ដែលមានសុពលភាពរក្សាទុករហូតដល់៣០ថ្ងៃ បន្ទាប់ពីបានផ្សាយ។ អ្នកអាចមានជម្រើសក្នុងការទាញយកវីដេអូនោះក៏បាន។ បន្ថែមពីនេះ Instagram ក៏បានបន្ថែមមុខងារ Live Now នៅក្នុងផ្នែក IGTV ដែលអ្នកគាំទ្រអាចស្វែងរកនិងទស្សនាការផ្សាយផ្ទាល់ នៅទីនោះក៏បាន៕