យល់ដឹង៖ ត្រីមឹកគឺជា ពពួកសត្វឥតឆ្អឹងខ្នង មួយប្រភេទ ដែលរស់នៅក្នុង សមុទ្រទឹកប្រៃ មានរាងកាយទន់គ្មានឆ្អឹង វាធ្វើចលនា គេចខ្លួនពីសត្រូវដោយ ដៃទាំង៤គូរបស់វាបានយ៉ាងរហ័ស និងអាចលូនឬផ្លាស់ទី ចូលតាមគ្រប់ ប្រហោងតូចៗ នៃផ្ទាំងថ្ម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សត្រីមឹក ភាគច្រើនវារស់នៅ ក្នុងបាតសមុទ្រ ក្រោមថ្មប៉ប្រះទឹក ក្នុងផ្កាថ្ម ឬកប់ខ្លួន ក្រោមដីជាដើម។ បន្ថែមពីនេះ ត្រីមឹកក៏ជា ប្រភេទអាហារសមុទ្រម្យ៉ាង ដែលជាទីពេញនិយមខ្លាំងនៃ មនុស្សភាគច្រើន ហើយវាក៏ជាសត្វសមុទ្រ ដែលមានតម្លៃ ថ្លៃណាស់ដែរ ទៅតាមប្រភេទ នីមួយៗរបស់វា។
ក៏ប៉ុន្តែ ក្នុងចំណោមត្រីមឹក ទាំង៣០០ប្រភេទនោះ ក៏មានត្រីមឹកម្យ៉ាង ដែលមានឈ្មោះថាBlue Ringed Octopus ដែលត្រីមឹក មួយប្រភទនេះ គឺមានពិសខ្លាំង វាត្រូវបានគេចាត់ទុកថា ជាប្រភេទត្រីមឹក ដែលអាចបង្ក គ្រោះថ្នាក់ខ្លាំងបំផុត ដល់មនុស្សរហូតដល់ថ្នាក់ ត្រូវបាត់បង់ជីវិតថែមទៀត ប្រសិនបើមិនប្រុងប្រយ័ត្ន ត្រូវវាខំឬ បរិភោគវាចូលទៅ។
ត្រីមឹកប្រភេទនេះ នៅលើខ្លួនរបស់វា មាននៅរង្វង់ពណ៌ខៀវ ដែលមើលទៅ ពិតជាទាក់ទាញ ហើយឆើតឆាយ និងគួរឲ្យស្រលាញ់ ដែលហាក់ខុសឆ្ងាយដាច់ ពីភាពគ្រោះថ្នាក់របស់វា។ ត្រីមឹករង្វង់ខៀវនេះ មានដើមកំណើត នៅក្នុងមហាសមុទ្រ ប៉ាស៊ីហ្វិក អាចរកឃើញ នៅបាតខ្សាច់ និងថ្មប៉ប្រះទឹកជាដើម។
ប្រសិនបើមានសត្រូវ មកយាយីឬ គំរាមកំហែងដល់វា នោះរង្វង់ខៀវដែល នៅលើខ្លួនវា នឹងភ្លឺឡើងពាសពេញ រាងកាយរបស់វា ហើយនេះគឺជា សញ្ញាព្រមានដល់សត្រូវ ក៏ដូចជា ការបញ្ចេញនៅ សក្តានុពលរបស់វាផងដែរ។
វាអាចប្រយុទ្ធ ជាមួយសត្រូវបាន ដោយបញ្ចេញ ទឹកពណ៌ខៀវរបស់វា ដែលពិសនេះមានឥទ្ធិពលខ្លាំង ជាងពិសនៃមឹកធម្មតា រហូតដល់ទៅ១០០០ដង ដែលអាចគ្រប់គ្រាន់ ក្នុងការសម្លាប់ មនុស្សរហូតដល់ទៅ២៦ នាក់ក្នុងរយៈពេលតែ ប៉ុន្មាននាទីប៉ុណ្ណោះ។ ហើយចំណុចពិសេស របស់វាមួយទៀតនោះគឺ វាអាចប្រែខ្លួន ឲ្យដូចទៅនឹងវត្ថុអ្វី ដែលនៅជិតខ្លួនរបស់វា។ ហេតុនេះ គ្មានអ្វីដែលចម្លែក ឬភ្ញាក់ផ្អើលនោះទេ ដែលវាត្រូវបាន គេទទួលស្គាល់ថា ជាសត្វគ្រោះថ្នាក់បំផុតមួយ នៅក្នុងមហាសមុទ្រ។
ដូច្នេះតើមានអ្វីកើតឡើង នៅពេលដែល អ្នកត្រូវបានខាំ ដោយត្រីមឹកBlue Ringed Octopus នេះ?
ទី១៖ ពិសវានឹងទៅ រាំងស្ទះសញ្ញាសរសៃប្រសាទ ពាសពេញរាងកាយរបស់អ្នក បណ្តាលឲ្យ ស្ពឹកសាច់ដុំ។
ទី២៖ បាត់បង់ចក្ខុវិស័យ ពិការភ្នែក និងបាត់បង់ស្មារតី។
ទី៣៖ ខ្វិនសាច់ដុំ រួមទាំងប៉ះពាល់ដល់សាច់ដុំ ដែលចាំបាច់សម្រាប់ មនុស្សដកដង្ហើម ទីបំផុត ថប់ដង្ហើម រហូតដល់ស្លាប់។
ជារួម ពិសនេះ គ្មានថ្នាំប្រឆាំងបានទេ ក៏ប៉ុន្តែជនរងគ្រោះ អាចនឹងត្រូវបាន ជួយសង្គ្រោះ ប្រសិនបើមាន អ្នកបញ្ចូលខ្យល់ តាមមាត់ឲ្យទៅភ្លាមៗ៕
ប្រភព៖ octolab, oceanconservancy